పాకిస్థాన్​ జాతీయుడు గుల్జారీ ఖాన్ కేసుపై సిట్​ విచారణ

కర్నూలు జిల్లా గడివేములలో నివాసముంటున్న పాకిస్థాన్​ జాతీయుడు గుల్జార్‌ ఖాన్‌ కేసుపై హైదరాబాద్ సిట్ పోలీసులు విచారణ చేపట్టారు. నిందితుని ఆధార్​ కార్డు, ఓటర్​ కార్డును జప్తు చేసిన పోలీసులు పూర్తి స్థాయిలో విచారణ చేసి న్యాయస్థానానికి నివేదిక అందిస్తామని ప్రత్యేక విచారణ బృంద అధికారులు తెలిపారు.

ఈ నెల 5వ తేదీన శంషాబాద్​లో అరెస్టైన పాకిస్థాన్​ జాతీయుడు గుల్జార్​ఖాన్​ కేసు వివరాలపై... హైదరాబాద్​కు చెందిన డీఎస్పీ వెంకటేశ్వర్లు ఆధ్వర్యంలోని సిట్​ కర్నూలు జిల్లా గడివేములలో విచారణ చేపట్టింది. ప్రత్యేక దర్యాప్తు బృందం అధికారులు గుల్జార్​ఖాన్​ భార్య దౌలత్​బీని పోలీస్​ స్టేషన్​లో విచారించారు. అతనితో పరిచయం, పాస్​​పోర్ట్ తీసుకున్న విధానం, ఏజెంట్‌ పరిచయం, సంప్రదింపులు తదితర వివరాలను సేకరించారు. ఏజెంట్ నందికొట్కూరుకు చెందిన వ్యక్తిగా ఆమె సమాధానమిచ్చినట్లు తెలుస్తోంది. గుల్జార్​ఖాన్ ఆధార్ కార్డు, ఓటర్ కార్డును జప్తు చేసిన అధికారులు కేసుపై పూర్తి స్థాయిలో విచారణ చేసి... న్యాయస్థానానికి నివేదిక అందిస్తామని డీఎస్పీ తెలిపారు.

సంబంధిత కథనం: