ధాన్యం విక్రయించి మూడు నెలలు గడుస్తున్నా తమ ఖాతాలో ఒక్క రూపాయి కూడా జమ కాలేదంటూ కృష్ణా జిల్లా రెడ్డిగూడెం కొత్తనాగులురు గ్రామానికి చెందిన రైతులు వాపోతున్నారు. ప్రైవేటు వ్యక్తులకు ధాన్యం అమ్ముకున్నా ప్రభుత్వం ద్వారానే డబ్బులు వచ్చేలా చేసి అయోమయంలో పడేస్తున్నారంటూ ఆవేదన వ్యక్తం చేశారు.
ప్రైవేటు కేంద్రానికి 212 బస్తాల ధాన్యం విక్రయించగా, 182 బస్తాలకు మాత్రమే డబ్బులు చెల్లిస్తామన్నారని, తరుగు కింద 20 బస్తాలు తీసి వేశారని నేర్సు సుబ్బారావు అనే రైతు తీవ్ర మనస్తాపానికి గురయ్యాడు.
గతంలో ఎన్నడూ లేని విధంగా రైతుల పరిస్థితి నానాటికి దిగజారేలా ప్రస్తుత ప్రభుత్వ విధానాలు ఉన్నాయని విమర్శించాడు. స్థానిక ఎమ్మెల్యే వసంత కృష్ణ ప్రసాద్ ఇప్పటికైనా స్పందించి ధాన్యం డబ్బులు అందేలా చర్యలు తీసుకోకుంటే ఆత్మహత్య చేసుకుంటామని రైతులు హెచ్చరించారు.
ఇదీ చదవండి: ధాన్యం కొని డబ్బు ఇవ్వట్లేదని రైస్ మిల్లర్పై ఫిర్యాదు
