విజయవాడ సైబర్ క్రైమ్ పోలీస్ స్టేషన్​కు ఐఎస్​వో గుర్తింపు

విజయవాడ సైబర్ క్రైమ్ పోలీస్ స్టేషన్​కు ఐఎస్​వో గుర్తింపు లభించింది. ఉత్తమ ప్రమాణాలు పాటించటంతో ఐఎస్​వో సంస్థ 9001-2015 స్థాయి గుర్తింపు ఇచ్చిందని విజయవాడ సీపీ ద్వారకా తిరుమలరావు తెలిపారు.

విజయవాడ సైబర్ క్రైమ్ పోలీస్ స్టేషన్​కు ప్రతిష్టాత్మకమైన ఐఎస్​వో గుర్తింపు లభించింది. 2018లో ప్రారంభమైన ఈ పోలీస్ స్టేషన్... ఉత్తమ ప్రమాణాలు పాటించటంతో ఐఎస్​వో సంస్థ 9001-2015 స్థాయి గుర్తింపు ఇచ్చిందని విజయవాడ సీపీ ద్వారకా తిరుమలరావు తెలిపారు. డిజిటల్ రికార్డ్స్ , కేసులను త్వరగా పరిష్కరించటం, అత్యాధునిక పరికరాలు వినియోగించటం, కేసు నమోదు కాకుముందే బాధితులకు న్యాయం చేస్తున్న తీరును పరిశీలించిన అధికారులు గుర్తింపునిచ్చారన్నారు. మూడేళ్ల పాటు ఈ గుర్తింపు ఉంటుందని తెలిపారు. ప్రతి ఏడాది పోలీస్ స్టేషన్ పనితీరును ఐఎస్​వో సంస్థ పరిశీలించి... ప్రమాణాలు తగ్గాయని భావిస్తే గుర్తింపు రద్దు చేసే అవకాశాలున్నాయని సీపీ అన్నారు. గతేడాది కంటే ఈ ఏడాది సైబర్ క్రైమ్ కేసులను అధికంగా ఛేదించామని ఆనందాన్ని వ్యక్తం చేశారు.

ఇదీ చదవండి: ఉయ్యూరు చోరీ కేసును ఛేదించిన పోలీసులు