అనధికారికంగా నిల్వ చేసిన కొవిడ్ వ్యాక్సిన్ల పట్టివేత.. ఒకరు అరెస్ట్

గుంటూరు జిల్లా నరసరావుపేటలో అనధికారికంగా నిల్వ చేసి విక్రయిస్తున్న కొవిడ్ వ్యాక్సిన్​లను పోలీసులు స్వాధీనం చేసుకున్నారు. నిందితున్ని అదుపులోకి తీసుకొని విచారణ చేపట్టారు.

గుంటూరులోని నరసరావుపేటలో కొవిడ్ వ్యాక్సిన్లు నిల్వ చేసి విక్రయిస్తున్న ఓ వ్యక్తిని పోలీసులు గుర్తించి అరెస్టు చేశారు. పట్టణంలోని అరండల్ పేటలో రేవంత్ మహావీర్, ఆర్​ఎంపీ శ్రీనివాసరావు.. ఓ ఇంట్లో అక్రమంగా వ్యాక్సిన్లు నిల్వ చేసి అనధికారికంగా విక్రయిస్తున్నారన్న సమాచారంతో 1వ పట్టణ పోలీసులు, మున్సిపల్ అధికారులు తనిఖీలు చేపట్టారు. నిల్వ చేసిన వాటిల్లో 8 కొవాగ్జిన్, 4 కోవిషీల్డ్​ను స్వాధీనం చేసుకున్నారు.

మహావీర్ అనే నిందితున్ని అదుపులోకి తీసుకోగా.. మరో నిందితుడు పరారయ్యాడు. దీనిపై కేసు నమోదు చేసి దర్యాప్తు చేస్తున్నట్లు పట్టణ సీఐ ప్రభాకరరావు వెల్లడించారు.

ఇదీ చదవండీ...