గుంటూరు జిల్లా బాపట్లలోని నరాలశెట్టివారి పాలేనికి చెందిన ఓ మహిళకు, బేతనీ కాలనీకి చెందిన దంపతులకు కరోనా సోకినట్లు పరీక్షల్లో నిర్ధరణ అయ్యింది. వీరికి రెండ్రోజుల క్రితం ఏపీ హెచ్‌ఆర్డీఐ క్వారంటైన్ కేంద్రంలో కొవిడ్‌-19 పరీక్షలు నిర్వహించగా... ఫలితాల్లో ముగ్గురికి పాజిటివ్ వచ్చినట్లు తేలిందని అధికారులు తెలిపారు.
డీఎస్పీ శ్రీనివాసరావు, పురపాలిక కమిషనర్‌ భానుప్రతాప్‌, కొవిడ్‌-19 వైద్యాధికారి భాస్కరరావు అప్రమత్తమై... సిబ్బందితో బాధితులు ఉన్న ప్రాంతానికి వెళ్లి వివరాలు సేకరించారు. రెండు ప్రాంతాలను రెడ్‌జోన్‌గా ప్రకటించారు. బాధితులతో ప్రాథమిక, ద్వితీయ కాంటాక్ట్లో ఉన్న పదిమందిని గుర్తించి ఏపీ హెచ్‌ఆర్డీఐ క్వారంటైన్ కేంద్రానికి తరలించారు.
ఇదీ చదవండి: కరోనా రికార్డ్: కొత్తగా 8,909 కేసులు, 217 మరణాలు
