Home minister Sucharitha : 'బాధిత కుటుంబాన్ని ప్రభుత్వ పరంగా ఆదుకుంటాం'

గుంటూరు నగరంలో దారుణ హత్య (Murder in Guntur) పై హోం మంత్రి సుచరిత ఆవేదన వ్యక్తం చేశారు. గుంటూరు జీజీహెచ్ కు వెళ్లి ఘటన వివరాలు తెలుసుకున్నారు. బాధిత కుటుంబాన్ని పరామర్శించారు. నిందితుడిపై చర్యలు తీసుకుంటామని స్పష్టం చేశారు.

గుంటూరులో యువతి దారుణ హత్య ఘటనపై.. రాష్ట్ర హోంమంత్రి మేకతోటి సుచరిత స్పందించారు. జీజీహెచ్‌కు వెళ్లి రమ్య కుటుంబాన్ని పరామర్శించారు. ఈ ఘటన చాలా బాధాకరమన్నారు. ఈ ఘటనలో పోలీసులు ఇప్పటికే కొన్ని ఆధారాలు సేకరించారన్న హోంమంత్రి.. సాధ్యమైనంత త్వరగా నిందితుడిని పట్టుకుంటామని వెల్లడించారు.

కేసు విచారణను త్వరగా పూర్తి చేసి హంతకుడికి శిక్ష పడేలా చూస్తామన్నారు. దారుణ హత్యకు గురైన రమ్య కుటుంబాన్ని ప్రభుత్వం ఆదుకుంటుందని హోంమంత్రి సుచరిత పేర్కొన్నారు. రమ్య ఫోన్ లాక్‌ ఓపెన్ చేసేందుకు పోలీసులు ప్రయత్నిస్తున్నారు.

అనుబంధ కథనం: