మాతృమూర్తినే నరికేసిన 'మత్తు' కత్తి

మద్యం తాగడానికి డబ్బులు ఇవ్వలేదని కన్నతల్లిని కుమారుడే హత్య చేసిన ఘటన గుంటూరు జిల్లా తెనాలిలో చోటుచేసుకుంది.  తెనాలి గంగానమ్మపేటలో నివాసం ఉంటున్న లక్ష్మీ నారాయణ... మద్యం తాగడానికి డబ్బులు ఇవ్వమని తల్లి శశిదేవిని అడిగాడు. తన దగ్గర డబ్బులు లేవని తల్లి చెప్పడంతో కోపంతో పనసకాయలు కోసే కత్తితో తల్లి మెడపై విచక్షణ రహితంగా దాడి చేసి పారిపోయాడు. గమనించిన స్థానికులు ఆమెను హుటాహుటిన తెనాలి ప్రభుత్వ ఆసుపత్రికి తరలించారు. ప్రథమ చికిత్స చేసి మెరుగైన వైద్యం కోసం గుంటూరు తరలిస్తుండగా మార్గ మధ్యలో శశి దేవి మృతి చెందింది. పోలీసులు కేసు నమోదు చేసి దర్యాప్తు చేపట్టారు.