తూర్పుగోదావరి జిల్లా తాళ్లరేవు మండలం రాఘవేంద్రపురం గ్రామానికి చెందిన నాగలక్ష్మి..కొన్నేళ్లుగా గల్ఫ్ దేశాల్లో పని చేస్తుండేది. కరోనా ప్రభావంతో గత ఏడాది విదేశాల నుంచి వచ్చింది. ఆమె విదేశాల్లో ఉన్న సయమంలో పంపే డబ్బుతో భర్త శ్రీనివాస్.. పిల్లల పోషణ చూసుకునేవాడు. ఈ క్రమంలో వ్యసనాలకు బానిసయ్యాడు. అయితే ఈ మధ్య డబ్బు ఇవ్వాలని భార్యను వేధించడం మొదలుపెట్టాడు.
క్రమేపి చిత్రహింసలు ఎక్కువయ్యాయని.. బాధ భరించలేక ఆత్మహత్య చేసుకోవాలని భావించినట్లు ఆమె పోలీసులకు తెలిపింది. ఈ క్రమంలోనే స్థానిక జాతీయ రహదారి మీద ఉన్న వంతెనపై నుంచి దూకింది. అదే సమయంలో సమీప పొలాల్లో పనుల్లో ఉన్న యువకులు గుర్తించి ఆమెను కాపాడారు. ఘటనపై కేసు నమోదు చేసిన పోలీసులు.. భర్త శ్రీనివాస్ను పిలిపించి మందలించారు.
సరైన సమయంలో సమయస్ఫూర్తి ప్రదర్శించి మహిళ ప్రాణాలు కాపాడిన యువకులను పోలీసులు అభినందించారు.
ఇదీ చదవండి
