మన్యంలో గిరిజనుల ఉద్యోగ కల్పనకు రక్షణగా ఉండే జీవో నెంబర్ 3ను కోర్టు రద్దు చేయడం దారుణమని ఆదివాసీ సంఘాల నాయకులు ఆవేదన వ్యక్తం చేశారు. ఈ విషయంపై తూర్పుగోదావరి జిల్లా రంపచోడవరంలో నాయకులు రెండో రోజు బంద్ కొనసాగించారు. కేంద్ర, రాష్ట్ర ప్రభుత్వాలు జీవో నెంబర్ 3 అమలుపై పునరాలోచన చేయాలని నాయకులు విజ్ఞప్తి చేశారు. రంపచోడవరం నియోజకవర్గంలో 11 మండలాల్లో ఆదివాసీ సంఘాల నాయకులు బంద్ పాటించి నిరసన తెలిపారు. ఈ ఆందోళనలో ఆదివాసీ సంఘాల నాయకులు కడబాల రాంబాబు, బొరగ సంకు రుదొర, చవలం కృష్ణ, చుక్క సంతోష్ కుమార్ పాల్గొన్నారు.
ఇదీ చూడండి. మాజీ మంత్రి అచ్చెన్నాయుడికి తిరగబెట్టిన శస్త్రచికిత్స గాయం
