జైలు అధికారుల నిర్లక్ష్యం వల్ల బెయిల్పై విడుదలైన వ్యక్తి మృతి చెందాడంటూ.. తూర్పుగోదావరి జిల్లా గోకవరంలో పోలీస్ స్టేషన్ ఎదుట మృతుని బంధువులు ఆందోళన చేపట్టారు. తిరుమలాయపాలెంకు చెందిన బోయిడి చంద్రం.. నాటు సారా విక్రయం కేసులో పోలీసులు అరెస్ట్ చేసి రిమాండ్కు పంపారు. రాజమహేంద్రవరం కేంద్రకారాగారంలో రిమాండ్లో ఉన్న చంద్రం.. తీవ్ర అనారోగ్యానికి గురయ్యాడు. జైలు అధికారులు అతన్ని ఆసుపత్రికి తరలించి చికిత్స అందించారు.
బుధవారం బెయిల్పై విడుదలైన చంద్రంను ఇంటికి తీసుకొస్తుండగా చనిపోయాడు. దీంతో కుటుంబ సభ్యులు, స్థానికులు మృత దేహంతో పోలీస్ స్టేషన్ వద్ద ఆందోళనకు దిగారు. జైలు సిబ్బంది నిర్లక్ష్యం వల్లే చంద్రం మృతి చెందాడని ఆరోపించారు. రోడ్డుపై బైఠాయించి నిరసన తెలిపారు. దీంతో గోకవరం-రాజమహేంద్రవరం రహదారిలో ట్రాఫిక్ అంతరాయం ఏర్పడింది.
ఇదీ చదవండి:
