ఇచ్చిన హామీలను సీఎం కాగానే మరిచారు: లోకేశ్

పాదయాత్రలో ఇచ్చిన హామీలను సీఎం కాగానే మరిచారని మాజీ మంత్రి లోకేశ్ అన్నారు. రైతులే ప్రాధాన్యం అంటూ విత్తనాలు ఎందుకు పంపిణీ చేయలేదని మండలిలో ఆయన ప్రశ్నించారు.

జగన్ పాదయాత్రలో ఇచ్చిన హామీలను... నవరత్నాలు పథకంతో కప్పేశారని..... తెలుగుదేశం ఎమ్మెల్సీ నారా లోకేశ్ విమర్శించారు. శాసనమండలిలో లోకేశ్ మాట్లాడారు. రైతులే తమ ప్రాధాన్యం అంటున్న వైకాపా ప్రభుత్వం.... విత్తనాల పంపిణీలో అలసత్వం ఎందుకు ప్రదర్శిస్తోందని ప్రశ్నించారు. విద్య, వైద్య, గృహనిర్మాణ హామీపైనా నిర్లక్ష్యం వహించారని విమర్శించారు. ఇచ్చిన హామీలకు... కేటాయించిన బడ్జెట్ కూ పొంతన లేకుండా ఉందని ఆరోపించారు..