ఆగస్టు 1 నుంచి సీఎం జగన్​ 'ప్రజాదర్బార్‌'

ప్రజానీకాన్ని స్వయంగా కలిసి వారి సమస్యల్ని వినేందుకు ముఖ్యమంత్రి జగన్ ఏర్పాటు చేసిన ప్రజాదర్బార్ ఆగస్టు 1కి వాయిదా పడింది. తాడేపల్లిలోని సీఎం నివాసం వద్ద ఏర్పాట్లు పూర్తికానందున రేపటినుంచి ప్రారంభం కావల్సిన ప్రజాదర్బార్​ను వాయిదా వేశారు.

ముఖ్యమంత్రి జగన్ తానే స్వయంగా ప్రజానీకాన్ని కలిసి.. వారి సమస్యలు తెలుసుకునేందుకు వీలుగా ఏర్పాటు చేసిన ప్రజాదర్బార్​ కార్యక్రమం వాయిదా పడింది. సోమవారం నుంచి ప్రారంభం కావలసిన ఈ కార్యక్రమం తాడేపల్లిలోని జగన్‌ క్యాంపు కార్యాలయ ఆవరణలో ఏర్పాట్లు పూర్తికానందున వాయిదా వేేశారు. ప్రజాదర్బార్​ కార్యక్రమాన్ని ఆగస్టు 1నుంచి నిర్వహించాలని జగన్​ నిర్ణయించినట్లు మంత్రి కన్నబాబు తెలిపారు.

దివంగత ముఖ్యమంత్రి వైఎస్‌ రాజశేఖరరెడ్డి ప్రజాదర్బార్‌ కార్యక్రమం నిర్వహించేవారు. ముఖ్యమంత్రి వైఎస్‌ జగన్‌మోహన్‌రెడ్డి తన తండ్రి బాటలో పయనిస్తూ ప్రజలను ప్రతిరోజూ ఒక గంటపాటు కలుసుకోవాలని నిర్ణయించారు.