Rats are biting students: అనంతపురం జిల్లా గుంతకల్లు మండల పరిధిలోని సేవాగఢ్లో ఉన్న గిరిజన సంక్షేమ గురుకుల పాఠశాల విద్యార్థులు ఎలుక కాటుకు గురవుతున్నారు. గాయపడిన 8 మంది... ప్రభుత్వ ఆస్పత్రిలో చికిత్స పొందుతున్నారు. విడతల వారీగా టీకాలు వేయించుకుంటున్నారు. హాస్టల్లో బోధనేతర సిబ్బంది తక్కువగా ఉండటంతో.. చెత్తను ఎక్కడపడితే అక్కడ వేస్తున్నారు. గదులు కూడా శుభ్రం చేయటం లేదని విద్యార్థులు ఆగ్రహం వ్యక్తం చేస్తున్నారు. ఫలితంగా ఎలుకలు పెరిగి నిత్యం వాటితో ఇబ్బందులు పడుతున్నామని, అవి కరుస్తున్నాయని విద్యార్థులు ఆవేదన వ్యక్తం చేస్తున్నారు.
పేద విద్యార్థులకు సరైన వసతి సదుపాయాలు కల్పించడం కోసం ప్రభుత్వం కోట్లాది రూపాయలు ఖర్చు చేస్తుంటే.. కొంతమంది ఉద్యోగుల అలసత్వం వల్ల ఇలాంటి పరిణామాలు చోటు చేసుకుంటున్నాయి. ఎప్పుడో ఒకసారి కాకుండా రోజూ ఎలుకలు కొరకడం ఏంటని ఈ వార్త విన్న వారందరూ ముక్కున వేలేసుకుంటున్నారు.
విద్యార్థులకు పరామర్శ: ఎలుకలు కరిచిన విద్యార్థులను ఆసుపత్రిలో గుంతకల్ నియోజకవర్గ టీడీపీ మాజీ ఎమ్మెల్యే ఆర్ జితేంద్ర గౌడ్ పరామర్శించారు. విద్యార్థులతో మాట్లాడి, పాఠశాల భవనాలను పరిసర ప్రాంతాలను పరిశీలించారు. అనంతరం జితేంద్ర గౌడ్ మాట్లాడుతూ టీడీపీ హయాంలో సేవా ఘాడ్ వద్ద గురుకుల సంక్షేమ వసతి గృహాన్ని అన్ని సదుపాయాలతో నిర్మించామన్నారు. అమ్మ ఒడి, నాన్న ఒడి అంటూ కబుర్లు చెబుతూ విద్యార్థులకు ఇస్తున్నటువంటి 15వేల రూపాయల నుండి పాఠశాల అభివృద్ధి కొరకు.. ఒక్కొక్క ఒక విద్యార్థి నుండి 2000 రూపాయలు వసూలు చేస్తూ విద్యార్థులను ఎలుకల పాలు చేస్తున్నారని మండిపడ్డారు.
ఇప్పటికైనా అధికారులు నిర్లక్ష్యం వీడి విద్యార్థులు ఎలుక కాట్లకు గురికాకుండా చూసుకోవాలని తెలిపారు. ఇటువంటి ఘటనలు పునరావృతమైతే అధికారులు స్పందించి సిబ్బందిపై కఠిన చర్యలు తీసుకోవాలని డిమాండ్ చేశారు.
ఇవీ చదవండి:
