టోక్యో ఒలింపిక్స్ విలువిద్య బృంద పోటీల్లో భారత్ కథ ముగిసింది. పురుషుల బృంద పోటీల్లో అతాను దాస్‌, ప్రవీణ్ జాదవ్, తరుణ్‌దీప్‌ రాయ్‌తో కూడిన జట్టు తొలి మ్యాచ్లో గెలిచినప్పటికీ క్వార్టర్ ఫైనల్స్లో వెనుదిరిగింది. డిఫెండింగ్‌ ఛాంపియన్‌, బలమైన కొరియా చేతిలో 6-0 తేడాతో ఓటమి పాలైంది. టీమ్‌ఇండియా వరుసగా మూడు సెట్లలో తేలిపోయింది.
మిక్స్డ్ టీమ్
అంతకుముందు మిక్స్డ్ టీమ్ విభాగంలోనూ ఇదే కథ. తొలి దశలో ప్రవీణ్ జాదవ్, దీపికా కుమారితో కూడిన భారత జట్టు వరుస సెట్లలో 5-3 తేడాతో గెలిచినప్పటికీ... క్వార్టర్ ఫైనల్లో దక్షిణ కొరియాపై 6-2తేడాతో ఓడింది. ఇక భారత క్రీడాకారులు వ్యక్తిగత ఆర్చరీ పోటీల్లో ఏమైనా పతకాలు సాధిస్తారేమో చూడాలి.
ఇదీ చూడండి: Olympics: ఓడినా సరే చరిత్రలో నిలిచిపోయిన భవానీ దేవి
