Asian Champions Trophy: బంగ్లాదేశ్‌ రాజధాని ఢాకాలో జరుగుతున్న ఆసియా ఛాంపియన్స్‌ ట్రోఫీ హాకీ టోర్నీలో చిరకాల ప్రత్యర్థి పాకిస్థాన్పై భారత్‌ జయభేరి మోగించింది. 3-1 గోల్స్‌ తేడాతో పాక్ను ఓడించింది.
2018లో మస్కట్‌ వేదికగా జరిగిన ఆసియా ఛాంపియన్స్‌ ట్రోఫీ ఫైనల్‌ వర్షం కారణంగా రద్దవడం వల్ల భారత్‌-పాక్ జట్లు ట్రోఫీని పంచుకున్నాయి. ఈసారి డిఫెండింగ్‌ ఛాంపియన్ల హోదాలో బరిలో దిగాయి. టోక్యో ఒలింపిక్స్‌లో చారిత్రక కాంస్య పతకం గెలిచిన భారత హాకీ జట్టు ఆడుతున్న తొలి టోర్నీ ఇదే.
కొరియాతో తొలి మ్యాచ్‌ను 2-2తో డ్రా చేసుకున్న భారత్‌... రెండో మ్యాచ్‌లో బంగ్లాదేశ్‌ను 9-0 గోల్స్‌ తేడాతో చిత్తు చేసింది. మూడో మ్యాచ్‌లో 3-1 గోల్స్‌ తేడాతో పాక్ను ఓడించింది. తద్వారా ఐదు దేశాలు పాల్గొంటున్న ఈ టోర్నీలో సెమీఫైనల్స్‌కు అర్హత సాధించింది.
ఇదీ చూడండి: మరో టోర్నీలో సింధు ఓటమి.. శ్రీకాంత్కు పతకం ఖరారు
