టీమ్ఇండియా మాజీ ఆల్రౌండర్ యువరాజ్ సింగ్ రిటైర్మెంట్ను వెనక్కు (Yuvraj Singh Comeback) తీసుకునే అవకాశం ఉంది. రెండేళ్ల క్రితం క్రికెట్కు వీడ్కోలు పలికిన యువీ.. పబ్లిక్ డిమాండ్ మేరకు తిరిగి (Yuvraj Singh Return) ఆడనున్నట్లు ఇన్స్టాగ్రామ్ పోస్ట్లో తెలిపాడు. దాంతో పాటే 2017 జనవరిలో ఇంగ్లాండ్పై చేసిన 150 పరుగులకు సంబంధించిన వీడియోను పోస్ట్ చేశాడు.
- " class="align-text-top noRightClick twitterSection" data="
">
"దేవుడు మీ విధిని నిర్ణయిస్తాడు. ప్రజల కోరిక మేరకు నేను ఫిబ్రవరిలో పిచ్ మీదకు అడుగుపెట్టే అవకాశం ఉంది. మీ ప్రేమాభిమానాలకు ధన్యవాదాలు. టీమ్ఇండియాకు మద్దతిస్తూ ఉండండి. నిజమైన అభిమాని కఠిన పరిస్థితుల్లోనే జట్టుకు అండగా నిలుస్తారు."
- యువరాజ్ సింగ్, టీమ్ఇండియా మాజీ క్రికెటర్
అయితే భారత జట్టుకు ఆడతాడా, లేదా టీ20 లీగుల్లో పాల్గొంటాడా అనేది యువీ స్పష్టం చేయలేదు. 2011 ప్రపంచకప్లో (2011 World Cup Man of The Series) ప్లేయర్ ఆఫ్ ది టోర్నమెంట్గా నిలిచిన యువరాజ్.. 2019 జూన్లో (Yuvraj Singh Retirement) అన్ని ఫార్మాట్ల నుంచి వైదొలికాడు.
దేశవాళీలో..?
రిటైర్మెంట్ను వెనక్కు తీసుకొని పంజాబ్ తరఫున దేశవాళీ క్రికెట్ ఆడతాడనే ఊహాగానాలు కూడా వస్తున్నాయి. 2020-21 సయ్యద్ ముస్తాక్ అలీ ట్రోఫీ కోసం 30 మంది బృందంలో అతడి పేరు చేర్చినా.. యువీ ఆడలేదు. అంతర్జాతీయ క్రికట్ నుంచి తప్పుకొన్న తర్వాత ప్రపంచవ్యాప్తంగా ఫ్రాంఛైజీ క్రికెట్ ఆడాడు.
టీమ్ఇండియాలో ప్రస్థానం..
2000 అక్టోబర్లో అరంగేట్రం చేసిన యువీ (Yuvraj Singh Stats).. దేశం తరఫున 304 వన్డేలు, 40 టెస్టులు ఆడాడు. వన్డేల్లో 8701 పరుగులు, సుదీర్ఘ ఫార్మాట్లో 1900 పరుగులు చేశాడు. వన్డేల్లో 111 వికెట్లు కూడా తీశాడు.
ఇదీ చూడండి: Yuvraj Singh 6 Sixes: యువరాజ్ రికార్డు.. ఫ్యాన్స్ అస్సలు మర్చిపోరు
