Types Of Out In Cricket : వన్డే ప్రపంచకప్లో భాగంగా బంగ్లాదేశ్తో జరిగిన మ్యాచ్‌లో శ్రీలంక ప్లేయర్.. ఏంజెలో మాథ్యూస్‌ టైమ్డ్ ఔట్‌గా పెవిలియన్కు చేరుకున్నాడు. క్రికెట్ చరిత్రలో ఓ ప్లేయర్ ఈ విధంగా ఔట్ అయి డగౌట్కు చేరుకోవడం ఇదే తొలిసారి కావడం విశేషం. అయితే అసలు క్రికెట్లో ఓ బ్యాటర్ను ఎన్ని రకాలుగా ఔట్‌గా పరిగణించవచ్చు.. వాటికిగల కారణాలు ఏంటో ఓ సారి తెలుసుకుందాం.
క్రికెట్లో అరుదుగా అయ్యే ఔట్లు..
- టైమ్డ్ ఔట్ : నిర్దేశిత టైమ్లోపు బ్యాటింగ్‌కు రాకపోవడం
- అబ్స్ట్రక్టెడ్‌ ఫీల్డ్‌ : ఉద్దేశపూర్వకంగా ఫీల్డింగ్‌కు అడ్డుతగలడం
- హిట్‌ ట్వైస్‌ : బ్యాటర్ రెండుసార్లు బాల్ను కొట్టడం
- హిట్‌ వికెట్‌ : బ్యాటర్ వికెట్లను తగలడం
- హ్యాండిల్డ్‌ బాల్ : బంతిని పట్టుకోవడం లేదా ఆపడం
అయితే ఇలాంటి ఔట్లు క్రికెట్ చరిత్రలో చాలా అరుదుగా కనిపిస్తుంటాయి. అయితే ఇప్పటి వరకు బ్యాటర్లు దాదాపు పైనున్న అన్ని రకాలుగా ఔట్ కాగా.. అంతర్జాతీయ క్రికెట్లో టైమ్డ్ ఔట్ పద్దతిలో ఔటవ్వడం మాత్రం ఇదే తొలిసారి.
2007లోనే జరగాల్సింది..
2007లో దక్షిణాఫ్రికాతో టెస్టులో సౌరభ్‌ గంగూలీ టైమ్డ్ ఔట్ కావాల్సింది. అప్పుడు భారత్‌ స్వల్ప వ్యవధిలో రెండు వికెట్లు కోల్పోయింది. ఫీల్డింగ్‌కు కొంత సమయం దూరంగా ఉండటం వల్ల సచిన్‌ను అంపైర్లు బ్యాటింగ్‌కు అనుమతించలేదు. తర్వాత రావాల్సిన లక్ష్మణ్‌ స్నానానికి వెళ్లాడు. దీంతో గంగూలీ హఠాత్తుగా నాలుగో స్థానంలో బ్యాటింగ్‌కు దిగాల్సి వచ్చింది. ప్యాడ్లు కట్టుకుని క్రీజులోకి వచ్చి అతడు బంతిని ఎదుర్కోవడానికి ఆరు నిమిషాల సమయం పట్టింది. కానీ దక్షిణాఫ్రికా కెప్టెన్‌ గ్రేమ్‌ స్మిత్‌ అప్పీల్‌ చేయడానికి నిరాకరించడం వల్ల గంగూలీ బ్యాటింగ్‌ కొనసాగించాడు.
World Cup 2023 Semi Finals : మరోవైపు బంగ్లాదేశ్తో జరిగిన మ్యాచ్‌లో శ్రీలంక 3 వికెట్ల తేడాతో ఘోర పరాజయాన్ని ఎదుర్కొంది. అయితే ఈ మ్యాచ్‌లో బంగ్లాదేశ్ గెలిచినప్పటికీ.. ఆ జట్టు ఇదివరకే ప్రపంచకప్ నుంచి ఎలిమినేట్‌ అయినందున ఎలాంటి ప్రయోజనం లేకుండా పోయింది. ఇక బంగ్లాదేశ్తో పాటు శ్రీలంక కూడా సేమీస్ రేసులోంచి నిష్క్రమించింది. ఇక ఇంగ్లండ్‌ కూడా ఇదివరకే ఎలిమినేట్‌ కాగా.. భారత్‌, సౌతాఫ్రికా జట్లు సెమీస్‌కు అర్హత సాధించాయి. ఇప్పుడు మరో రెండు సెమీస్ బెర్త్ల కోసం ఐదు జట్లు పోటీ పడుతున్నాయి.
బంగ్లా చేతితో శ్రీలంక చిత్తు - ఎట్టకేలకు టోర్నీలో రెండో విజయం
