అడిలైడ్ వేదికగా నవంబరు 10న టీమ్ఇండియా-ఇంగ్లాండ్ మధ్య కీలక సెమీస్ పోరు జరగనుంది. ఈ మ్యాచ్లో గెలిచేందుకు ఇరు జట్లు విపరీతంగా కసరత్తులు చేస్తున్నాయి.
అయితే మ్యాచ్‌కు వేదిక అయిన అడిలైడ్ ఓవల్‌ విషయానికొస్తే.. ఈ పిచ్‌ స్పిన్నర్లకు సహకరించే అవకాశం ఉందని తెలుస్తోంది. అలాగే ఈ స్టేడియంతో స్టార్ బ్యాటర్ కోహ్లీకి మంచి అనుబంధం ఉంది. ఎందుకంటే ఈ వేదికపై విరాట్కు మంచి రికార్డు ఉంది. ఇక్కడ మ్యాచ్ అంటేనే కింగ్‌కు పూనకమే! ఇక్కడ అతడు ఆడిన 14 ఇన్నింగ్స్‌ల్లో (మూడు ఫార్మాట్లలో కలిపి) 75.5 సగటున 907 పరుగులు సాధించాడు.
ఇందులో ఏకంగా 5 సెంచరీలు ఉండటం విశేషం. ముఖ్యంగా టీ20ల్లో విరాట్కు ఈ వేదికపై ఘనమైన రికార్డు ఉంది. ఇక్కడ అతడు ఆడిన రెండు మ్యాచ్‌ల్లో 155.55 సగటున 154 పరుగులు చేశాడు. ఇందులో రెండు హాఫ్ సెంచరీలు ఉన్నాయి. 2016లో 90*, ప్రస్తుత వరల్డ్‌కప్‌లో బంగ్లాదేశ్‌పై 64 పరుగులతో అజేయంగా నిలిచాడు.
మరోవైపు ప్రస్తుత వరల్డ్‌కప్‌లో ఈ వేదికపై టీమ్ఇండియాకు ఓ మ్యాచ్ ఆడిన(బంగ్లాతో) అనుభవం ఉంది.. అయితే ఇంగ్లాండ్ మాత్రం ఆ అవకాశం దక్కలేదు.
ఇదీ చూడండి: అగ్రస్థానంలోనే సూర్య.. ఈ సారి కోహ్లీ ర్యాంక్ ఎంతంటే?
