Suresh raina T20 league : టీమ్ఇండియా స్టార్, చెన్నై సూపర్ కింగ్స్ మాజీ క్రికెట్‌ర్ సురేశ్ రైనా కొత్త లీగ్లోకి దిగబోతున్నాడు. అతడు శ్రీలంక ప్రీమియర్ లీగ్ (ఎల్‌పీఎల్‌) వేలంలో నిలిచాడు. ఈ లంక ప్రీమియర్ లీగ్ 2023 ఎడిషన్ కోసం బిడ్డింగ్ ప్రక్రియ జూన్ 14న జరగనుంది. దీని కోసం వేలంలో పాల్గొనే దేశీ, అంతర్జాతీయ క్రికెటర్ల లిస్ట్ను లంక క్రికెట్ బోర్డు రిలీజ్ చేసింది. అందులో రైనా పేరు ఉంది. అతడి బేస్‌ప్రైస్‌ 50,000 డాలర్లు(సుమారు 41 లక్షల 30 వేల రూపాయలు)అని సమాచారం.
రైనా ఒక్కడే..
Lanka premier league 2023 : పాకిస్థాన్ కెప్టెన్‌ బాబర్‌ ఆజం, ఆసీస్‌ క్రికెటర్ మాథ్యూవేడ్‌, దక్షిణాఫ్రికా స్టార్ క్రికెటర్ డేవిడ్‌ మిల్లర్‌ వంటి ఆటగాళ్లు ఈ లీగ్లో ఆడనున్నారు. అయితే ఇప్పటివరకు ఈ లంక ప్రీమియర్ లీగ్ బరిలో భారత్ తరఫున ఆడింది ఇర్ఫాన్ పఠాన్ మాత్రమే. ఒక వేళ ఇప్పుడు రైనాను ఫ్రాంచైజీలు కొనుగోలు చేస్తే.. ఈ లీగ్లో ఆడిన రెండో భారత క్రికెటర్గా నిలుస్తాడు. కాబట్టి సీనియర్ అయిన ఈ ప్లేయర్ను ఏ ఫ్రాంచైజీ కొనుగులు చేస్తుందో చూడాలి..
Suresh raina ipl stats : 2022లో అని ఫార్మాట్ల నుంచి రిటైర్మెంట్ ప్రకటించిన సురైన్ రైనా.. ఆ తర్వాత విదేశీ లీగ్‌లపై దృష్టి పెట్టాడు. 2008-21 మధ్య ఐపీఎల్‌లో చెన్నై సూపర్ కింగ్స్ విజయాల్లో కీలక పాత్ర పోషించాడు రైనా. అయితే యూఏఈలో జరిగిన 2020 సీజన్‌ నుంచి అతడు తప్పుకున్నాడు. దీంతో అతడిని చెన్నై తిరిగి జట్టులోకి తీసుకోలేదు. ఆ తర్వాత అతడు ఐపీఎల్కు రిటైర్మెంట్ ప్రకటించాడు. మొత్తంగా కెరీర్లో 205 ఐపీఎల్ మ్యాచ్‌లు ఆడిన రైనా 5500 పరుగులు చేశాడు. చెన్నై కింగ్స్తో పాటు గుజరాత్‌ లయన్స్‌కు కూడా అతడు ప్రాతినిధ్యం వహించాడు.
Suresh raina T10 league : విదేశీ లీగ్‌ల విషయానికొస్తే.. 2022 డిసెంబర్‌లో ప్రారంభమైన అబుదాబి టీ10 లీగ్లో డెక్కన్ గ్లాడియేటర్ తరఫున ప్రాతినిథ్యం వహిస్తున్నాడు. గత మార్చిలోనూ జరిగిన లెజెండ్స్ లీగ్ క్రికెట్‌లోనూ రైనా బరిలోకి దిగాడు. కాగా, బీసీసీఐ నిబంధనల ప్రకారం ఆటకు రిటైర్మెంట్ ప్రకటించిన భారత క్రికెటర్లు ప్రపంచవ్యాప్తంగా జరిగే ఫ్రాంఛైజీ లీగుల్లో పాల్గొనవచ్చు. ఉన్ముక్త్‌చంద్‌ సహా పలువురు భారత ఆటగాళ్లు అంతర్జాతీయ క్రికెట్కు వీడ్కోలు చెప్పి.. వివిధ లీగ్‌ల్లో ఆడుతున్నారు.
సురేశ్ రైనా విధ్వంసం.. 45 బంతుల్లో 10 ఫోర్లు, 4 సిక్స్లతో..
WTC ఓటమి ఎఫెక్ట్‌.. పుజారా, ఉమేశ్‌పై వేటు?.. రింకు, యశ్వసికి చోటు!
