England test Bumrah Captain: ఇంగ్లాండ్ పర్యనటకు వెళ్లిన కెప్టెన్ రోహిత్ శర్మకు కరోనా పాజిటివ్గా తేలిన సంగతి తెలిసిందే. అయితే అతడు త్వరగా కోలుకుంటే.. జులై 1వ తేదీ నుంచి జరగనున్న రీషెడ్యూల్ టెస్టుకు ఆడే అవకాశాలు ఉన్నాయని అంతా అనుకున్నారు. కానీ ఇప్పుడా అవకాశం లేదని ఓ బీసీసీఐ అధికారి తెలిపారు. బుధవారం చేసిన రెండో టెస్టులోనూ హిట్మ్యాన్కు పాజిటివ్గా వచ్చినట్లు చెప్పారు. అతడు మ్యాచ్కు దూరం అవుతాడని స్పష్టం చేశారు. వైస్ కెప్టెన్ బుమ్రాను.. తాత్కాలిక సారథిగా నియమించనున్నట్లు తెలిపారు. దీంతో 35ఏళ్ల తర్వాత జట్టుకు సారథ్యం వహించనున్న తొలి ఫాస్ట్ బౌలర్గా బుమ్రా నిలిచాడు. 1987లో కెప్టెన్సీ నుంచి తప్పుకున్న దిగ్గజ క్రికెటర్ కపిల్దేవ్.. చివరిసారిగా ఫాస్ట్బౌలర్గా టీమ్ఇండియాకు సారథ్యం వహించాడు. "ఐదో టెస్టుకు రోహిత్ దూరం కానున్నాడు. అతడికి మళ్లీ పాజిటివ్గా తేలింది. ఇంకా ఐసోలేషన్లోనే ఉన్నాడు. కేఎల్ రాహుల్ కూడా లేని కారణంగా వైస్ కెప్టెన్ అయిన బుమ్రా.. తాత్కాలిక సారథిగా వ్యవహరిస్తాడు" అని సదరు బీసీసీఐ అధికారి తెలిపారు. ఈ మ్యాచ్లో రోహిత్ లేని కారణంగా శుభమన్ గిల్తో పాటు పుజారా లేదా హనుమ ఓపెనింగ్ చేసే అవకాశముందని వెల్లడించారు. కాగా, ఇటీవలే రోహిత్ స్థానంలో మరో ప్లేయర్కు అవకాశమిచ్చింది బీసీసీఐ. మయాంక్ అగర్వాల్ను టీమ్లోకి తీసుకోనున్నట్లు ప్రకటించింది. అయితే ఇతడు తుది జట్టులో ఆడటంపై స్పష్టత లేదని అన్నారు అధికారి.
గతేడాది పూర్తికావాల్సిన 5 టెస్టుల సిరీస్‌.. నాలుగు మ్యాచ్‌లు ఆడాక కరోనా కేసుల కారణంగానే వాయిదా పడింది. ఇప్పుడు మళ్లీ అదే టెస్టుకు ముందు పలువురు భారత ఆటగాళ్లు కొవిడ్‌-19 బారిన పడటం అభిమానులకు ఆందోళన కలిగిస్తోంది. హిట్మ్యాన్ త్వరగా కోలుకోవాలని అభిమానులు ప్రార్థిస్తున్నారు.
ఇదీ చూడండి: ఐపీఎల్ ఫ్యాన్స్కు గుడ్న్యూస్.. ఇకపై మరింత మజా!
