ఐపీఎల్ ప్రస్తుత సీజన్లో చెన్నై ఓపెనర్గా వచ్చి, విజయాల్లో భాగమైన యువ ఓపెనర్ రుతురాజ్ గైక్వాడ్ (ruturaj gaikwad ipl runs) రికార్డు సృష్టించాడు. ఈసారి అత్యధిక పరుగుల వీరుడికి ఇచ్చే ఆరెంజ్ క్యాప్ (IPL Awards 2021) సొంతం చేసుకున్నాడు. మొత్తంగా 16 మ్యాచ్ల్లో 635 పరుగులతో నిలిచాడు. ఆరెంజ్ క్యాప్తో పాటు ఎమర్జింగ్ ప్లేయర్ ఆఫ్ ది సీజన్ అవార్డు కూడా రుతురాజ్కు దక్కింది.
ఐపీఎల్లో ఈ క్యాప్ సాధించిన (IPL Awards 2021) అత్యంత పిన్నవయుస్కుడిగా రుతురాజ్ ఘనత సాధించాడు. గతంలో ఈ రికార్డు ఆస్ట్రేలియా క్రికెటర్ షాన్ మార్ష్ పేరిట ఉంది. ఇతడి తర్వాత స్థానాల్లో డుప్లెసిస్(633), కేఎల్ రాహుల్(626), శిఖర్ ధావన్ (587), మ్యాక్స్వెల్(513) ఉన్నారు.
హర్షల్ పటేల్..
మరోవైపు ఎక్కువ వికెట్లు తీసిన వారికిచ్చే పర్పుల్ క్యాప్ (IPL Awards 2021) ఈసారి.. రాయల్ ఛాలెంజర్స్ బెంగళూరు బౌలర్ హర్షల్ పటేల్కు(harshal patel ipl) దక్కింది. 15 మ్యాచ్ల్లో 32 వికెట్లు తీశాడు. ఐపీఎల్ చరిత్రలో ఓ సీజన్లో అత్యధికంగా వికెట్లు తీసిన బౌలర్లలో బ్రావోతో కలిసి సమంగా నిలిచాడు. అలానే ప్లేయర్ ఆఫ్ ది టోర్నమెంట్, గేమ్ ఛేంజర్ ఆఫ్ ది మ్యాచ్, మోస్ట్ వాల్యుబుల్ ప్లేయర్ ఆఫ్ ది సీజన్ అవార్డులను కూడా హర్షల్ సొంతం చేసుకున్నారు.
హర్షల్కు పర్పుల్ క్యాప్ సహా గేమ్ ఛేంజర్ ఆఫ్ ది సీజన్, మోస్ట్ వాల్యుబుల్ ప్లేయర్ ఆఫ్ ది సీజన్ అవార్డులు దక్కాయి. హర్షల్ తర్వాతి స్థానాల్లో ఆవేశ్ ఖాన్ (24), బుమ్రా(21), షమి(19), అర్షదీప్ సింగ్(18) తదితరులు ఉన్నారు.
క్యాచ్ ఆఫ్ ది సీజన్
పంజాబ్ కింగ్స్కు చెందిన రవి బిష్నోయ్కు క్యాచ్ ఆఫ్ ది సీజన్ అవార్డ్ దక్కింది. అహ్మదాబాద్ వేదికగా కేకేఆర్తో జరిగిన మ్యాచ్లో సునిల్ నరైన్ మిడ్ వికెట్ మీదుగా కొట్టిన బంతిని రవి డైవ్ చేసి అద్భుతమైన క్యాచ్ పట్టాడు.
సూపర్ స్ట్రైకర్ ఆఫ్ ది సీజన్
168 స్ట్రైక్ రేట్ ఉన్నందుకుగాను దిల్లీ క్యాపిటల్స్కు చెందిన హెట్మెయిర్ సూపర్ స్ట్రైకర్ ఆఫ్ ది సీజన్ అవార్డు అందుకున్నాడు.
మోస్ట్ సిక్సెస్ ఆఫ్ ది సీజన్
ఐపీఎల్లో అత్యధిక సిక్సర్లు కొట్టిన ఆటగాడిగా పంజాబ్ కింగ్స్ కెప్టెన్ కేఎల్ రాహుల్ నిలిచాడు.
ఇవీ చదవండి:
