ఐపీఎల్ 2021లో విజయాల పరంపర కొనసాగిస్తోంది దిల్లీ క్యాపిటల్స్(rr vs dc 2021). ఇప్పటికే వరుస విజయాలతో దూసుకెళ్తోన్న ఈ జట్టు నేడు (సెప్టెంబర్ 25) రాజస్థాన్ రాయల్స్(rr vs dc 2021)పైనా గెలుపొందింది. 33 పరుగుల తేడాతో గెలిచి పాయింట్ల పట్టికలో అగ్రస్థానంలోకి వెళ్లింది. దీంతో ప్లే ఆఫ్ బెర్తును దాదాపు ఖరారు చేసుకుంది.
దిల్లీ విధించిన 155 పరుగుల లక్ష్యాన్ని(vs dc 2021 scorecard) ఛేదించడంలో విఫలమైంది రాజస్థాన్. ఓపెనర్లు లివింగ్స్టోన్ (1), జైస్వాల్ (5)తో పాటు స్టార్ బ్యాట్స్మెన్ మిల్లర్ (7), మహిపాల్ లోమ్రోర్ (19), రియాన్ పరాగ్ (2) విఫలయ్యారు. అయినా కూడా కెప్టెన్ సంజూ శాంసన్(sanju samson ipl) పట్టుదలగా ఆడాడు. ఓవైపు వికెట్లు పడుతున్నా జట్టును భారీ ఓటమి నుంచి తప్పించడానికి ప్రయత్నించాడు. ఈ క్రమంలోనే అర్ధసెంచరీ సాధించాడు. చివరి వరకు క్రీజులో ఉన్న శాంసన్ 70 పరుగులతో నాటౌట్ నిలిచినా.. జట్టును మాత్రం గెలిపించలేకపోయాడు.
దిల్లీ తడబడినా నిలబడింది
టాస్ ఓడి మొదట బ్యాటింగ్కు దిగిన దిల్లీ(delhi capitals team) శుభారంభం దక్కలేదు. ఈ సీజన్లో అద్భుత ప్రదర్శన కనబర్చిన ఓపెనర్లు ధావన్ (8), పృథ్వీషా (10) ఈ మ్యాచ్లో విఫలమయ్యారు. ఆ తర్వాత కెప్టెన్ పంత్తో కలిసి మాజీ కెప్టెన్ శ్రేయస్ అయ్యర్ జట్టును ఆదుకునే ప్రయత్నం చేశారు. రాజస్థాన్ బౌలర్లు కట్టుదిట్టంగా బౌలింగ్ చేయడం వల్ల పరుగులు చేయడంలో కాస్త ఇబ్బందిపడ్డారు. పంత్ తన శైలికి భిన్నంగా నెమ్మదిగా ఆడాడు. ఈ క్రమంలోనే పంత్ (24)ను ముస్తాఫిజుర్ క్లీన్ బౌల్డ్ చేయగా, అయ్యర్ (43) స్టంపౌట్గా వెనుదిరిగాడు.
తర్వాత వచ్చిన హెట్మెయర్ కాసేపు రాజస్థాన్ బౌలర్లను కాచుకుని దిల్లీ(delhi capitals team) ఇన్నింగ్స్ను గాడినపెట్టే ప్రయత్నం చేశాడు. కానీ 28 పరుగులు చేసి పెవిలియన్ చేరాడు. అనంతరం వచ్చిన బ్యాట్స్మెన్ రాజస్థాన్ బౌలర్లను ఎదుర్కోవడంలో విఫలమవడం వల్ల నిర్ణీత 20 ఓవర్లలో 154 పరుగులకు పరిమితమైంది దిల్లీ.
