IPL Auction 2022: మరో రోజులో ఐపీఎల్ మెగావేలం ప్రారంభంకానుంది. ఏ ప్లేయర్ను ఏ జట్టు తీసుకుంటుందా అని అభిమానుల్లో తీవ్ర ఉత్కంఠ నెలకొంది. ఈ సారి ఏ ఆటగాడు ఎక్కువ ధరకు అమ్ముడుపోతాడు? భారత ప్లేయరా లేదా విదేశీ ఆటగాడా? ఇలా అనేక అంశాలు ఫ్యాన్స్లో ఆసక్తిని రేపుతున్నాయి. ఈ నేపథ్యంలో వేలంలో ఇప్పటివరకు అత్యధిక ధర పలికిన ఆటగాళ్లు ఎవరో తెలుసుకుందాం...
సీజన్ల వారీగా వేలంలో అత్యంత ఖరీదైన ప్లేయర్స్ వీరే..
| సీజన్ | ప్లేయర్ | జట్టు | వేలంలో ధర |
| 2008 | ఎంఎస్ ధోనీ | చెన్నై | రూ.6 కోట్లు |
| 2009 | కెవిన్ పీటర్సన్ ఆండ్రూ ఫ్లింటాఫ్ | బెంగళూరు చెన్నై | రూ.7.55 కోట్లు |
| 2010 | షేన్ బాండ్ కీరన్ పొలార్డ్ | కోల్కతా ముంబయి | రూ.3.42 కోట్లు |
| 2011 | గౌతమ్ గంభీర్ | కోల్కతా | రూ. 11.04 కోట్లు |
| 2012 | రవీంద్ర జడేజా | చెన్నై | రూ. 9.72 కోట్లు |
| 2013 | గ్లెన్ మ్యాక్స్వెల్ | ముంబయి | రూ. 5.3 కోట్లు |
| 2014 | యువరాజ్ సింగ్ | బెంగళూరు | రూ. 14 కోట్లు |
| 2015 | యవరాజ్ సింగ్ | దిల్లీ | రూ. 16 కోట్లు |
| 2016 | షేన్ వాట్సన్ | బెంగళూరు | రూ. 9.5 కోట్లు |
| 2017 | బెన్స్టోక్స్ | పుణె | రూ. 14.5 కోట్లు |
| 2018 | బెన్స్టోక్స్ | రాజస్థాన్ | రూ. 12.5 కోట్లు |
| 2019 | వరుణ్ చక్రవర్తి జయదేవ్ ఉనద్కత్ | పంజాబ్ రాజస్థాన్ | రూ. 8.4 కోట్లు |
| 2020 | ప్యాట్ కమిన్స్ | కోల్కతా | రూ. 15.5 కోట్లు |
| 2021 | క్రిస్ మోరిస్ | రాజస్థాన్ | రూ. 16.25 కోట్లు |
| 2022 | ? | ? | ? |
వేలంలో ఒక ఫ్రాంఛైజీ తరఫున అత్యధిక ధర పలికిన ఆటగాళ్లు..
- రూ.16.25 కోట్లు- క్రిస్ మోరిస్ (రాజస్థాన్)వికెట్ తీసిన ఆనందంలో క్రిస్ మోరిస్
- రూ.16 కోట్లు - యువరాజ్ సింగ్ (దిల్లీ)యువీ
- రూ.15.5కోట్లు - ప్యాట్ కమిన్స్ (కోల్కతా)
- రూ.15 కోట్లు - కైలీ జేమీసన్ (బెంగళూరు)
- రూ.14 కోట్లు - కే రిచర్డ్సన్ (పంజాబ్)
- రూ.11 కోట్లు - మనీష్ పాండే (సన్రైజర్స్ హైదరాబాద్)
- రూ. 9.72 కోట్లు - రవీంద్ర జడేజా (చెన్నై)
- రూ.9.2 కోట్లు - రోహిత్ శర్మ (ముంబయి ఇండియన్స్)
ఫిబ్రవరి 12,13 తేదీల్లో జరగనున్న ఈ మెగా వేలంలో పాల్గొనేందుకు మొత్తం 590 మంది క్రికెటర్లు పోటీపడుతున్నారు. వీరిలో 228 మంది అంతర్జాతీయ క్రికెటర్లు కాగా, మరో 355 మంది అన్‌క్యాప్డ్‌ ప్లేయర్లుగా ఉన్నారు. మరో ఏడుగురు అసోసియేట్‌ దేశాల క్రికెటర్లూ ఇందులో పాల్గొంటున్నారు.
కాగా, ఈ ఏడాది రెండు కొత్త జట్లు చేరాయి. అందులో ఒకటి అహ్మదాబాద్‌ టైటాన్స్ కాగా, రెండోది లఖ్‌నవూ సూపర్ జెయింట్స్‌.
ఇదీ చూడండి: ఐపీఎల్ వేలం.. చెన్నై, ముంబయి జట్లకు స్పెషల్ టాలెంట్
