తాలిబన్.. ఈ పేరు చెప్పగానే ప్రస్తుతం అఫ్గాన్లో వారి అకృత్యాలు, అరాచకాలు.. గుర్తొస్తాయి. రాజస్థాన్లో నిర్వహించిన ఓ క్రికెట్ టోర్నీలో మాత్రం 'తాలిబన్ క్రికెట్ క్లబ్' (Taliban Cricket Club) పేరుతో ఓ క్రికెట్ జట్టు పాల్గొనడం చర్చనీయాంశమైంది.
రాజస్థాన్లోని ఓ టీ20 లీగ్లో పాల్గొన్న ఓ జట్టు.. తమ టీమ్ పేరును 'తాలిబన్ క్రికెట్ క్లబ్' అని పెట్టుకుంది. ఈ విషయాన్ని గ్రహించిన నిర్వాహకులు టోర్నీ నుంచి ఆ జట్టును తప్పించారు. తొలి మ్యాచ్ అనంతరం వారిపై నిషేధం విధించారు. ఈ తప్పిదంపై నిర్వాహకులు క్షమాపణలు కూడా చెప్పారు. మరోసారి ఇలాంటివి జరగకుండా చూస్తామని హామీ ఇచ్చారు.
జైసల్మేర్ జిల్లా భనియనా గ్రామానికి చెందిన ఓ గ్రూప్ తాలిబన్ పేరుతో టోర్నీలో పాల్గొంది. ఈ ప్రాంతం పోఖ్రాన్ నుంచి 36 కి.మీ.ల దూరంలో ఉంది. ఇక్కడ మైనార్టీల ఆధిపత్యం ఎక్కువగా ఉంటుంది. పోఖ్రాన్ ఫైర్ రేంజింగ్ ప్రాంతానికి దగ్గరగా ఉండటం వల్ల ఇది సున్నితమైన ప్రదేశంగా పరిగణిస్తుంటారు.
ఇదీ చదవండి: IND vs ENG: మూడో టెస్టు కోసం పటిష్ట వ్యూహాలతో ఇరుజట్లు!
