ఇంగ్లాండ్తో జరుగుతోన్న రెండో టెస్టులో భారీ స్కోరు వద్ద ఔట్ కావడం చిరాకు తెప్పిందన్నాడు టీమ్ఇండియా ఓపెనర్ కేఎల్ రాహుల్. ప్రత్యర్థికి భారీ లక్ష్యాన్ని నిర్దేశించాలనుకున్నట్లు తెలిపాడు. కానీ వెంటనే పెవిలియన్ చేరడం బాధించిందన్నాడు. తొలి రోజు 127 పరుగులతో అజేయంగా నిలిచిన రాహుల్.. రెండో రోజున మరో రెండు పరుగులకే వెనుతిరిగాడు.
"ఔటైన ప్రతీసారి బాధపడతా. నిరాశచెందుతా. రెండో రోజు ఆటలో కూడా ఉదయం సెషన్ కల్లా మరో 70-80 పరుగులు చేయాలనుకున్నా. ఆ సమయంలో అంతా బాగానే ఉంది. కానీ ఔట్ అవడమే చిరాకు తెప్పించింది."
-కేఎల్ రాహుల్, టీమ్ఇండియా బ్యాట్స్మన్
రాహుల్, రోహిత్ శర్మ (83) దీటైన ప్రదర్శనతో తొలి ఇన్నింగ్స్లో టీమ్ఇండియా 364 పరుగులు చేసింది. అనంతరం బ్యాటింగ్కు దిగిన ఇంగ్లాండ్ 3 వికెట్లు కోల్పోయి 119 పరుగుల వద్ద నిలిచింది. ప్రస్తుతం జో రూట్(48*), జానీ బెయిర్స్టో(6*) క్రీజులో ఉన్నారు.
ఇదీ చూడండి: 'కోహ్లీని ఔట్ చేయడానికి పన్నిన వ్యూహమదే'
