మోదీ స్టేడియంలో భారత్- పాక్ మ్యాచ్​.. ICC వరల్డ్​ కప్​ షెడ్యూల్ విడుదల

ICC World Cup 2023 Schedule : ఐసీసీ వన్డే వరల్డ్​ కప్​ 2023 షెడ్యూల్​​ విడుదలైంది. అక్టోబర్ 5 నుంచి వరల్డ్​ కప్ ప్రారంభం కానుంది. అక్టోబర్​ 15న భారత్​-పాక్​ మ్యాచ్​.. అహ్మదాబాద్​లోని నరేంద్ర మోదీ స్టేడియంలో జరగనుంది.

ICC World Cup 2023 Schedule : భారత్‌ వేదికగా జరగనున్న ప్రతిష్టాత్మక ఐసీసీ వన్డే ప్రపంచకప్‌ షెడ్యూల్‌ ఖరారైంది. ఈ మేరకు ప్రపంచకప్‌ షెడ్యూల్‌ను ఐసీసీ మంగళవారం విడుదల చేసింది. అక్టోబర్‌ 5వ తేదీ నుంచి నవంబర్‌ 19 వరకు ఈ మ్యాచ్‌లు జరగనున్నాయి. 46 రోజుల పాటు ఈ టోర్నీలో మొత్తం 10 వేదికల్లో మ్యాచ్‌లు నిర్వహించనున్నారు. మొత్తం 10 జట్లు టైటిల్‌ కోసం పోటీపడనున్నాయి. ఇప్పటికే 8 జట్లు నేరుగా టోర్నీకి అర్హత సాధించాయి. మరో రెండు జట్లు జింబాబ్వేలో జరిగే క్వాలిఫయర్‌ టోర్నమెంట్‌ ద్వారా ప్రపంచకప్‌నకు అర్హత సాధించనున్నాయి. లీగ్‌ దశలో ప్రతి జట్టు మిగిలిన తొమ్మిది జట్లతో రౌండ్‌ బిన్‌ పద్ధతిలో ఒక్కో మ్యాచ్‌ ఆడనుంది. ఈ క్రమంలో సెమీఫైనల్స్‌కు పాయింట్ల పట్టికలో టాప్‌-4లో నిలిచిన జట్లు అర్హత సాధిస్తాయి.

Icc world Cup Schedule : అక్టోబర్‌ 8న అస్ట్రేలియాతో భారత్‌.. చెన్నై వేదికగా తన తొలి మ్యాచ్‌ ఆడనుంది. ఇక అహ్మదాబాద్‌ వేదికగా అక్టోబర్‌ 15న భారత్‌-పాక్​తో తలపడనుంది. మరోవైపు లీగ్‌ దశలో టీమ్‌ఇండియా మొత్తం 8 మ్యాచ్‌లు ఆడనుంది. నవంబర్‌ 15, 16న ముంబయి, కోల్‌కతా వేదికగా సెమీ ఫైనల్‌ మ్యాచ్‌లు జరగ్గా.. అహ్మదాబాద్‌ వేదికగా నవంబర్‌ 19న ఫైనల్‌ మ్యాచ్‌ ఉండనుంది. హైదరాబాద్‌ వేదికగా 3 ప్రపంచకప్‌ మ్యాచ్‌లు జరగనున్నాయి.

ICC World Cup 2023 Venues : ఇక ఈ వరల్డ్​ కప్​నకు అహ్మదాబాద్, దిల్లీ, చెన్నై, హైదరాబాద్, లఖ్​నవూ, బెంగళూరు, ముంబయి, కోల్‌కతా సహా మొత్తం 10 వేదికలు ఆతిథ్యం ఇవ్వనున్నాయి. హైదరాబాద్‌తో పాటు గువాహటి, తిరువనంతపురం.. సెప్టెంబర్ 29 నుంచి అక్టోబర్ 3 వరకు వార్మప్ మ్యాచ్‌లకు ఆతిథ్యం ఇవ్వనున్నాయి. ఇక రెండు సెమీ-ఫైనల్‌లకు రిజర్వ్ డే ఉంటుంది. ఈ ఫైనల్​కు నవంబర్ 20 రిజర్వ్ డే గా నిర్ణయించారు.

• ICC World Cup 2023: England to play New Zealand in opening match on October 5. India to kick-start campaign against Australia on October 8. pic.twitter.com/dWSQwk1pFd

  — ANI (@ANI) June 27, 2023 " class="align-text-top noRightClick twitterSection" data="

  ICC World Cup 2023: England to play New Zealand in opening match on October 5. India to kick-start campaign against Australia on October 8. pic.twitter.com/dWSQwk1pFd

  — ANI (@ANI) June 27, 2023

  ">

  ICC World Cup 2023: England to play New Zealand in opening match on October 5. India to kick-start campaign against Australia on October 8. pic.twitter.com/dWSQwk1pFd

  — ANI (@ANI) June 27, 2023

Icc World Cup 2023 : ఇక దిల్లీ వేదికగా అక్టోబర్‌ 11న భారత్‌-అఫ్గానిస్థాన్‌ మ్యాచ్‌ జరగనుండగా.. పుణె వేదికగా అక్టోబర్‌ 19న భారత్‌-బంగ్లాదేశ్‌ మ్యాచ్‌ ఉండనుంది. నవంబర్‌ 2న ముంబయిలో క్వాలిఫయర్‌-2 జట్టుతో, నవంబర్‌ 5న కోల్‌కతాలో దక్షిణాఫ్రికాతో, నవంబర్‌ 11న బెంగళూర్‌లో క్వాలిఫయర్‌-1 జట్టుతో భారత్‌ పోటీపడనుంది. అంతే కాకుండా ధర్మశాల వేదికగా అక్టోబర్‌ 22న భారత్‌-న్యూజిలాండ్‌ మ్యాచ్‌, లఖ్‌నవూ వేదికగా అక్టోబర్‌ 29న భారత్‌-ఇంగ్లాండ్‌ మ్యాచ్‌, కోల్‌కతా వేదికగా నవంబర్‌ 5న భారత్‌-దక్షిణాఫ్రికా తలపడనున్నాయి.

• ఇవీ చదవండి: