Hardik Pandya World Cup 2023 : టీమ్ఇండియాకు షాక్.. హార్దిక్​కు గాయం.. ఫీల్డ్ నుంచి ఔట్.. బీసీసీఐ ఏం చెప్పిందంటే ?

Hardik Pandya World Cup 2023 : వన్డే ప్రపంచకప్​లో భాగంగా ప్రస్తుతం భారత్​ - బంగ్లాదేశ్ మధ్య మ్యాచ్​ జరగుతోంది. అయితే అనుహ్యాంగా ఈ మ్యాచ్​ నుంచి టీమ్ఇండియా ఆల్​రౌండర్​ హార్దిక్​ పాండ్యా తప్పుకున్నాడు. ఇంతకీ ఏం జరిగిందంటే ? ​

Hardik Pandya World Cup 2023 : ప్రపంచకప్​లో భాగంగా బంగ్లాదేశ్​తో జరుగుతున్న మ్యాచ్​లో టీమ్ఇండియా స్టార్ ఆల్​రౌండర్ హార్దిక్ పాండ్య గాయపడ్డాడు. ఎడమ మోకాలి నొప్పితో విలవిల్లాడుతూ గ్రౌండ్​లోనే కుప్పకూలాడు. అతడిని ఫిజియోలు వచ్చి పరిశీలించారు. మోకాలికి టేప్ వేశారు. అయినప్పటికీ హార్దిక్ నొప్పి తగ్గలేదు. దీంతో అతడిని ఫీల్డ్ నుంచి బయటకు తీసుకెళ్లారు.
ఇక హార్దిక్ గాయంపై తాజాగా బీసీసీఐ స్పందించింది. ప్రస్తుతం హార్దిక్ పాండ్యా గాయాన్ని పరిశీలించి అతన్ని స్కానింగ్ కోసం తీసుకువెళ్తున్నట్లు ఓ ప్రకటనలో పేర్కొంది. అయితే హార్దిక్‌కు పెద్ద గాయమేం కాలేదని మ్యాచ్‌ అనంతరం కెప్టెన్‌ రోహిత్‌ శర్మ వెల్లడించాడు. కానీ తర్వాతి మ్యాచ్‌కు అతడు అందుబాటులో ఉంటాడా లేడా అన్న విషయాన్ని స్పష్టం చేయలేదు.

• 🚨 Update 🚨
  
  Hardik Pandya's injury is being assessed at the moment and he is being taken for scans.
  
  Follow the match ▶️ https://t.co/GpxgVtP2fb#CWC23 | #TeamIndia | #INDvBAN | #MeninBlue pic.twitter.com/wuKl75S1Lu

  — BCCI (@BCCI) October 19, 2023 " class="align-text-top noRightClick twitterSection" data="

  🚨 Update 🚨
  
  Hardik Pandya's injury is being assessed at the moment and he is being taken for scans.
  
  Follow the match ▶️ https://t.co/GpxgVtP2fb#CWC23 | #TeamIndia | #INDvBAN | #MeninBlue pic.twitter.com/wuKl75S1Lu

  — BCCI (@BCCI) October 19, 2023

  ">

  🚨 Update 🚨
  
  Hardik Pandya's injury is being assessed at the moment and he is being taken for scans.
  
  Follow the match ▶️ https://t.co/GpxgVtP2fb#CWC23 | #TeamIndia | #INDvBAN | #MeninBlue pic.twitter.com/wuKl75S1Lu

  — BCCI (@BCCI) October 19, 2023

అసలేం జరిగింది :
ఇన్నింగ్స్ తొమ్మిదో ఓవర్​లో ఈ ఘటన జరిగింది. మూడో బాల్​ వేస్తున్న సమయంలో బంగ్లా ప్లేయర్ లిటన్​ దాస్​.. ఓ సూపర్​ స్ట్రైట్​ డ్రైవ్​ను కొట్టాడు. ఇది గమనించిన హార్దిక్​.. ఆ బాల్​ను తన కుడి కాలితో ఆపేందుకు ప్రయత్నించాడు. దీంతో అనుకోకుండా అతను కింద పడ్డాడు. అయితే లేచి నిల్చునేందుకు ప్రయత్నిస్తున్న సమయంలో హార్దిక్​ కాస్త ఇబ్బంది పడ్డాడు. దీంతో ఫిజియో సిబ్బంది వచ్చి అతడ్ని పెవిలియన్​కు తీసుకెళ్లారు. అయితే హార్దిక్ అప్పటికే తొమ్మిదో ఓవర్​లో 3 బంతులు వేయగా.. మిగిలిన ఓవర్​ను విరాట్ కోహ్లీ పూర్తి చేశాడు. ఈ క్రమంలో హార్దిక్​ స్థానంలో ఫీల్డింగ్​లోకి సూర్యకుమార్​ యాదవ్​ను దింపారు.

అతడు దూరమైతే..: గాయం కారణంగా హార్దిక్‌ పాండ్య దూరమైతే అది టీమ్‌ఇండియాకు పెద్ద దెబ్బే. గత కొంతకాలంగా నిలకడగా రాణిస్తున్న హార్దిక్‌.. బ్యాటింగ్​తో పాటు బౌలింగ్‌లో రాణిస్తూ ఆల్‌రౌండర్‌ పాత్రను సమర్థంగా పోషిస్తున్నాడు. బ్యాటింగ్‌లో ఇప్పటివరకూ టాప్‌ఆర్డర్‌ రాణించడం వల్ల హార్దిక్‌ పెద్దగా కష్టపడాల్సిన పనిలేకుండా పోయింది. ఒకవేళ టాప్‌ఆర్డర్‌ విఫలమైతే మిడిలార్డర్‌లో హార్దిక్‌ లాంటి బ్యాటర్‌ అవసరం జట్టుకు ఉంటుంది. బౌలింగ్‌లోనూ హార్దిక్‌ భారత్‌కు ఎంతో అవసరం.

పేస్‌కు అనుకూలించే పిచ్‌లపై బుమ్రా, సిరాజ్‌తో పాటు మూడో పేసర్‌గా శార్దూల్‌ను భారత్‌ ఆడిస్తోంది. కానీ సిరాజ్‌, బుమ్రా తర్వాత బౌలింగ్‌ మార్పు కోసం రోహిత్‌ బంతిని హార్దిక్‌కే ఇస్తున్నాడు. ఆస్ట్రేలియాపై ఓ వికెట్‌ పడగొట్టిన అతను.. అఫ్గానిస్థాన్‌, పాకిస్థాన్‌తో జరిగిన మ్యాచ్‌ల్లో రెండేసి వికెట్లు సాధించాడు. శార్దూల్‌ కంటే హార్దిక్‌ మెరుగ్గా బౌలింగ్‌ వేస్తున్నాడు.

దీంతో ఇప్పుడు హార్దిక్‌ లేకపోతే శార్దూల్‌పై పూర్తిగా నమ్మకం పెట్టుకోలేని పరిస్థితి. ఇప్పటికే శార్దూల్‌కు బదులుగా షమిని ఆడించాలనే వాదనలు కూడా బలంగా వినిపిస్తున్నాయి. ఇప్పుడు టీమ్‌ఇండియా ముందు రెండు పెద్ద మ్యాచ్‌లున్నాయి. వరుసగా న్యూజిలాండ్‌ (ఈ నెల 22న), ఇంగ్లాండ్‌ (29న)తో భారత్‌ ఆడనుంది. ఈ మ్యాచ్‌ల్లో ఫలితాలు సెమీస్‌ దిశగా భారత గమనాన్ని నిర్దేశించనున్నాయి. మరి ఈ కీలక మ్యాచ్‌లకు హార్దిక్‌ దూరమైతే టీమ్‌ఇండియాకు సవాల్‌ తప్పదు.