Stuart MAC Gill kidnap: ఆస్ట్రేలియా మాజీ స్పిన్నర్ స్టువర్ట్ మెక్గిల్.. తన కిడ్నాప్కు సంబంధించి సంచలన విషయాలను తెలిపాడు. గతేడాది తనను కిడ్నాప్ చేసిన దుండగులు నగ్నంగా మార్చి పాయింట్ బ్లాక్లో గన్ పెట్టి బెదిరించారని చెప్పాడు.
"ఇలాంటి ఘటన.. మనం అత్యంత అసహ్యించుకునే శత్రువులకు కూడా జరగకూడదు. కొంతమంది నా ఇంటికి వచ్చి బలవంతంగా ఎత్తుకెళ్లారు. నా కళ్లకు గంతలు క్టటి కార్లో ఎక్కించి ఎక్కడికి తీసుకెళ్లారో తెలియదు. ఓ చోటకు తీసుకెళ్లి నగ్నంగా మార్చి బాగా కొట్టారు. పాయింట్ బ్లాక్లో గన్ పెట్టి కాల్చేస్తామని బెదిరించారు. అప్పుడు నేను చాలా భయపడ్డాను. తీవ్రంగా గాయపడ్డాను. నన్ను చితక్కొట్టిన తర్వాత కార్ డిక్కీలో కుక్కి.. నన్ను బెల్మోర్ పడేసి వెళ్లిపోయారు. ఆ తర్వాత కొద్ది రోజుల పాటు ఇంటికి వెళ్లలేదు. ఓ మిత్రుడు నన్ను హోటల్లో మూడు, నాలుగు వారాల పాటు ఉంచాడు. ఆ తర్వాత ఇంటికి వచ్చేసరికి.. కేసుతో సంబంధం ఉన్న నలుగిరిని పోలీసులు అరెస్ట్ చేశారు." అని పేర్కొన్నాడు.
1998-2008 మధ్య ఆసీస్ జట్టుకు ప్రాతినిధ్యం వహించిన మెక్ గిల్.. టెస్టు, వన్డే ఫార్మాట్లలో ఆడాడు. సుదీర్ఘ ఫార్మాట్లో 44 టెస్టులాడిన మెక్గిల్ 208 వికెట్లు సాధించాడు. పరిమిత ఓవర్ల క్రికెట్లో మూడు మ్యాచ్లాడి 6 వికెట్లను తీశాడు.
ఇదీ చూడండి: ప్రముఖ ఇంగ్లాండ్ పేసర్ టెస్టు క్రికెట్కు గుడ్బై
