టీమ్ఇండియా మాజీ కెప్టెన్ మహేంద్రసింగ్ ధోనీ రిటైర్మెంట్పై వస్తోన్న ఊహాగానాలపై స్పందించాడు ఆస్ట్రేలియా దిగ్గజం మాథ్యూ హెడెన్. వీడ్కోలు విషయమై అతడు త్వరలో ఒక నిర్ణయానికి వస్తాడని ఆశాభావం వ్యక్తం చేశాడు. గతేడాది జరిగిన ప్రపంచకప్ సెమీస్లో న్యూజిలాండ్పై ఓటమి తర్వాత నుంచి టీమ్ఇండియా మాజీ కెప్టెన్ ధోనీ క్రికెట్కు దూరంగా ఉంటున్నాడు. ఐపీఎల్తో రీఎంట్రీ ఇవ్వాలకున్నా కరోనా కారణంగా ఆ లీగ్ వాయిదా పడింది.
"నా మిత్రుడైన ధోనీ కెరీర్ గురించి మాట్లాడాలంటే నాకెంతో కష్టంగా ఉంటుంది. నా దృష్టిలో అతనొక ఛాంపియన్. ఆటగాళ్లు ఆట నుంచి ఎప్పుడు వైదొలగాలో వ్యక్తిగతంగా వారికి తెలుసు. కానీ కెరీర్ చివర్లో ఒత్తిడిని ఎవరూ కోరుకోరు. ధోనీ.. టీమ్ఇండియా విజయాన్ని సాధించడం కోసం తీసుకున్న గొప్ప నిర్ణయాల వలె త్వరలోనే ఓ సంచలన నిర్ణయం తీసుకుంటాడని ఆశిస్తున్నా".
- మాథ్యూ హెడెన్, ఆస్ట్రేలియా మాజీ క్రికెటర్
ఐపీఎల్ నిర్వహణపై హెడెన్ స్పందించాడు. "వాస్తవానికి విదేశీ ఆటగాళ్లు లేకుండానే టోర్నీ నిర్వహించవచ్చు. కానీ, విదేశీ క్రికెటర్ల వల్ల అభిమానుల్లో ఉత్సాహం పెరుగుతుంది. ప్రపంచదేశాల ఆటగాళ్లను ఒకచోట చేర్చడానికి ఐపీఎల్ దోహదపడుతుంది. స్టేడియాలను శుభ్రం చేసుకుని మ్యాచ్లు నిర్వహించవచ్చు." అని తెలిపాడు
ఇదీ చూడండి.. బంగ్లా క్రికెటర్ బ్యాట్ను వేలంలో కొన్న అఫ్రిదీ
