ఈ లాక్డౌన్తో దాదాపు రెండు నెలలుగా ఇంట్లోనే ఉన్న తన చేతులకు దురద పుడుతోందని అన్నాడు టీమిండియా సీనియర్ స్పిన్నర్ రవిచంద్రన్ అశ్విన్. క్రికెట్ ఆడేందుకు త్వరగా బయటకు వెళ్లాలనిపిస్తోందని అన్నాడు. సద్గురుతో ఆన్లైన్ చాట్లో మాట్లాడుతూ ఈ విషయాన్ని పంచుకున్నాడు.
చెన్నైలోని తన స్వగృహంలో ఉంటున్న అశ్విన్.. పలువురు క్రికెటర్లలా ప్రాక్టీసుకు వెళ్లకుండా ఇంట్లోనే ఉంటున్నాడు. అయితే తను ప్రస్తుతం ఫిట్గానే ఉన్నానని చెప్పుకొచ్చాడు. మైదానంలోకి అడుగుపెట్టేందుకు ఆసక్తిగా ఎదురుచూస్తున్నట్లు తెలిపాడు.
"లాక్డౌన్ ప్రారంభంలో బాగానే ఉంది. కానీ, ప్రస్తుతం ఇంట్లోనే ఉండిపోయి, క్రికెట్ ఆడకపోవడం వల్ల దురద వేస్తోంది. బయటకు వెళ్లి ఆడాలని, ఇంకేదైనా చేయాలని ఉంది" -రవిచంద్రన్ అశ్విన్, భారత స్పిన్నర్
భారత్ తరఫున ఆడుతున్న అశ్విన్.. ఐపీఎల్లో దిల్లీ క్యాపిటల్స్కు ప్రాతినిధ్యం వహిస్తున్నాడు. అయితే మార్చి 29 నుంచి ప్రారంభం కావాల్సిన ఈ టోర్నీ.. కరోనా కారణంగా నిరవధిక వాయిదా పడింది. దీనిని సెప్టెంబరు-నవంబరు మధ్య కాలంలో నిర్వహించాలని బీసీసీఐ భావిస్తోంది.
ఇదీ చూడండి : 'కోహ్లీని రోహిత్ శర్మతో పోల్చడం సరికాదు'
