టీమ్ఇండియా మాజీ క్రికెటర్ రాహుల్ ద్రవిడ్పై ప్రశంసల వర్షం కురిపించాడు టెస్టు స్పెషలిస్టు చెతేశ్వర్ పుజారా. ఆయన నుంచి తాను ఎంతగానో స్ఫూర్తి పొందినట్లు తెలిపాడు. తన జీవితంపై మిస్టర్ డిపెండబుల్ ప్రభావం చాలా ఉందని వెల్లడించాడు.
ముఖ్యంగా క్రికెట్లో ఓ దశకు చేరుకున్నాక అందులో నుంచి వైదొలగడం ఎంత ముఖ్యమో ద్రవిడ్ తెలిసేలా చేశాడని వివరించాడు పుజారా. వ్యక్తిగత, వృత్తి పరమైన జీవితాలను ఎలా వేరుగా చూడాలో వివరణాత్మకంగా తెలియచెప్పాడని వెల్లడించాడు. అనంతరం క్రికెట్కు మించిన ఓ జీవితం ఉందని గుర్తుపెట్టుకోవాలని సూచించినట్లు తెలిపాడు. అందుకని ద్రవిడ్కు జీవితకాలం రుణపడి ఉంటానని చెప్పుకొచ్చాడు.
"క్రికెట్ నుంచి బయటకు రావడమనేది ఎంత ముఖ్యమో ద్రవిడ్ అర్థమయ్యేలా వివరించాడు. నాకు దానిపై కొంచెం అవగాహన ఉన్నప్పటికీ.. పూర్తి స్థాయిలో స్పష్టత వచ్చేలా తెలియజేశాడు. సీనియర్ క్రికెటర్లు వ్యక్తిగత, వృత్తి పరమైన జీవితాలను ఎలా వేరుగా ఉంచుతారో నాకు తెలుసు. అలా ఉంచడం ఎంతో ముఖ్యమని భావిస్తాను. క్రికెట్కు మించిన ఓ జీవితం ఉంది. "
-చెతేశ్వర్ పుజారా, టీమ్ఇండియా క్రికెటర్
చాలా మంది తన ఆలోచన ధోరణి, బ్యాటింగ్ టెక్నిక్ను ద్రవిడ్తో పోల్చినప్పటికీ.. తానెప్పుడు ఆయనను అనుకరించడానికి ప్రయత్నించలేదని చెప్పుకొచ్చాడు పుజారా. రంజీ ట్రోఫీలో సౌరాష్ట్ర జట్టుకు ఆడటం వల్లనే తన ఆట మెరుగుపడిందని తెలిపాడు.
మొత్తంగా కెరీర్‌లో 164 టెస్టుల్లో 13,288 పరుగులు, 344 వన్డేల్లో 10,889 పరుగులు చేశాడు ద్రవిడ్. 79 వన్డేల్లో భారత జట్టుకు సారథిగా వ్యవహరించగా.. అందులో 42సార్లు జట్టుకు విజయాన్ని అందించాడు.
ఇది చూడండి : 16 మంది ఎన్బీఏ ఆటగాళ్లకు కరోనా పాజిటివ్
