Australia Squad for Ashes: యాషెస్ సిరీస్లో మిగిలిన మూడు టెస్టుల కోసం జట్టును ప్రకటించింది ఆస్ట్రేలియా. గాయం కారణంగా రెండో టెస్టుకు దూరమైన పేసర్ హేజిల్వుడ్, కెప్టెన్ ప్యాట్ కమిన్స్ తిరిగి జట్టులోకి వచ్చారు. మిగతా జట్టులో ఎలాంటి మార్పులు చేయలేదు. మార్కస్ హారిస్కు ఓపెనర్గా మరో అవకాశం ఇచ్చారు. దీంతో ఉస్మాన్ ఖవాజా బ్యాకప్ ఓపెనర్గానే ఉండనున్నాడు. మిగిలిన మూడు టెస్టులు మెల్బోర్న్, సిడ్నీ, హోబర్ట్ వేదికలుగా జరగనున్నాయి.
ఆస్ట్రేలియా జట్టు
ప్యాట్ కమిన్స్ (కెప్టెన్), స్టీవ్ స్మిత్, అలెక్స్ కారే, కామెరూన్ గ్రీన్, హేజిల్వుడ్, మార్కస్ హారిస్, ట్రెవిస్ హెడ్, ఉస్మాన్ ఖవాజా, లబుషేన్, లియోన్, మైఖేల్ నెసర్, జే రిచర్డ్సన్, స్టార్క్, మిచెల్ స్వెప్సన్, వార్నర్.
ఓటమి దిశగా ఇంగ్లాండ్
రెండో టెస్టును డ్రా చేసుకోవడం కోసం ఇంగ్లాండ్ పోరాడుతోంది. ఐదు రోజు డిన్నర్ బ్రేక్ సమయానికి 6 వికెట్ల నష్టానికి 142 పరుగులు చేసింది. బట్లర్ (16*), వోక్స్ (28*) క్రీజులో ఉన్నారు. ఇంకా 326 పరుగులు వెనుకంజలో ఉంది ఇంగ్లీష్ జట్టు.
