Allu arjun pushpa: ఐకాన్ స్టార్ అల్లు అర్జున్ 'పుష్ప'.. ప్రేక్షకుల ముందుకు వచ్చేసింది. అయితే ఈ సినిమా ఎలా ఉండనుంది? పుష్పరాజ్గా బన్నీ ఎలా చేశారు? సుక్కు మార్క్ డైరెక్షన్.. ఈ చిత్రంలో ఎలా చూపించారు? ఇలా అభిమానుల్లో చాలా సందేహాలు. వీటిన్నింటికి కొంతమేర సమాధానం చెబుతూ పోస్టర్లు, పాటలు, ట్రైలర్ వచ్చేశాయి. సినిమా రిలీజైన సందర్భంగా 'పుష్ప' గురించి మరికొన్ని విశేషాలు మీకోసం.
*అన్నింటికంటే మొదటి చెప్పుకోవాల్సిన విషయం అల్లు అర్జున్-సుకుమార్ కాంబినేషన్. వీరిద్దరూ గతంలో 'ఆర్య', 'ఆర్య 2' సినిమాలు చేశారు. అవి రెండూ ప్రేమకథలే.
*ఇప్పుడు తీస్తున్న హ్యాట్రిక్ మూవీ 'పుష్ప' మాత్రం అడవి బ్యాక్డ్రాప్లో తీసిన మాస్ ఎంటర్టైనర్. దీనిని కూడా రెండు భాగాలుగా తెరకెక్కిస్తుండటం విశేషం.
*ఇప్పటివరకు చేసిన అన్ని సినిమాల్లో స్టైలిష్గా, హ్యాండ్సమ్గా కనిపించిన బన్నీ.. 'పుష్ప'తో సాహసం చేశారు! లారీ డ్రైవర్, డాన్గా.. కెరీర్లో ఎప్పుడూ చేయని పాత్రల్లో తొలిసారి కనిపించబోతున్నారు.
*ఈ సినిమాలో అల్లు అర్జున్.. భుజం పైకెత్తి సరికొత్త మేనరిజమ్తో కనిపించనున్నారు. తొలుత అందరూ దానిని పాత్రకు ఉన్న సమస్య అని అనుకున్నారు. కానీ తర్వాత బన్నీనే ఈ విషయమై క్లారిటీ ఇచ్చారు.
*'రంగస్థలం' సినిమాతో తొలిసారి విలేజ్ బ్యాక్డ్రాప్ కథ చేసిన డైరెక్టర్ సుకుమార్.. బ్లాక్బస్టర్ హిట్ కొట్టారు. తద్వారా తన బలం తెలుసుకున్న సుక్కూ.. దాదాపు అలాంటి నేపథ్యంతోనే 'పుష్ప' తెరకెక్కించడం విశేషం.
*ఇప్పటివరకూ ఎన్నో సినిమాల్లో హీరోయిన్గా మాత్రమే చేసిన సమంత.. కెరీర్లో తొలిసారి 'పుష్ప' కోసం స్పెషల్ సాంగ్ చేసింది. యూట్యూబ్లో, సోషల్ మీడియాలో ఈ పాట చేస్తున్న సందడి ఏంటో మీకు ప్రత్యేకంగా చెప్పాల్సిన పనిలేదు. 'ఊ అంటవా ఊహు అంటవా' అనే లిరిక్స్ అయితే కుర్రాళ్లు అస్సలు కుదురుగా కూర్చొనివ్వట్లేదు. అంతలా ఫేమస్ అయిందీ గీతం.
*ఈ సినిమా మొత్తం చిత్తూరు చంద్రగిరి నేపథ్యంగా సాగనున్నట్లు తెలుస్తోంది. దీంతో నటీనటులు అందరూ చిత్రం ప్రారంభం కావడానికి ముందే ఆ యాసను నెలల పాటు ప్రాక్టీసు చేసి మరీ షూటింగ్కు హాజరయ్యారు!
*మలయాళ విలక్షణ నటుడు ఫహాద్ ఫాజిల్ చేస్తున్న తొలి తెలుగు సినిమా ఇది. ఇందులో భన్వర్ సింగ్ షెకావత్ అనే పోలీస్ అధికారిగా ఆయన కనిపించనున్నారు. 'పుష్ప' తొలి భాగం ఆయన కొద్ది నిమిషాలే కనిపిస్తారని, రెండో భాగంలో మాత్రం పూర్తి నిడివి ఉన్న పాత్రలో అలరిస్తారని తెలుస్తోంది.
*అల్లు అర్జున్ గత చిత్రాలు చాలావరకు ఉత్తరాదిలో డబ్ అయ్యాయి. యూట్యూబ్లో అవి ఒక్కొక్కటి వందల మిలియన్స్ వ్యూస్ సాధిస్తూ బన్నీకి ఎక్కడలేని క్రేజ్ తీసుకొచ్చాయి. మరి ఇప్పుడు 'పుష్ప' లాంటి పాన్ ఇండియా సినిమాతో తొలిసారి అల్లుఅర్జున్ అక్కడి ప్రేక్షకుల్ని పలకరించనున్నారు. మరి చూడాలి ఎలాంటి రికార్డులు నమోదవుతాయో?
*శేషాచలం ఎర్రచందనం, దాని స్మగ్లింగ్ గురించి ఇప్పటికే మనం చాలాసార్లు వార్తల్లో విన్నాం. కానీ దాని నేపథ్య కథతో వస్తున్న తొలి సినిమా ఇదే కావడం విశేషం.
*డిసెంబరు 17న పాన్ ఇండియా రేంజ్లో తెలుగు, తమిళ, కన్నడ, మలయాళ, హిందీ భాషల్లో ఈ సినిమా రిలీజ్ కానుంది.
ఇవీ చదవండి:
- 'పుష్ప' సినిమా.. ఈ విషయాలు గమనించారా?
- 'పుష్ప' కాదు మన సినిమా గెలవాలి: అల్లు అర్జున్
- Pushpa Movie: ఆ రాష్ట్రంలో 'పుష్ప' సినిమాకు సెగ!
- భుజం ఎత్తడం వల్ల నాకు ఆ సమస్య వచ్చింది: అల్లు అర్జున్
- అది చేసింది నేనేనా అనిపిస్తుంది: రష్మిక
- PUSHPA MOVIE FIFTH SHOW: అప్పటి వరకు 'పుష్ప' రోజుకు ఐదు షోలు
- 'పుష్ప' టీమ్కు చిరంజీవి స్పెషల్ విషెస్
- 'పుష్ప' కోసం మూడేళ్లు అడవుల్లోనే!
- బాలీవుడ్ కాదు.. నా టార్గెట్ అదే: అల్లు అర్జున్
- అక్కడ అందరూ 'పుష్ప' కోసం వెయిటింగ్: రాజమౌళి
- 'ఊ అంటావా ఉఊ అంటవా' సాంగ్.. ఈ హస్కీ వాయిస్ ఎవరిదో తెలుసా?
- Pushpa Movie: 'పుష్ప' చిత్రీకరణ ఓ గొప్ప అనుభవం: సమంత
- Pushpa movie: 'పుష్ప' ప్రీ రిలీజ్ బిజినెస్ రూ.250 కోట్లు!
