'బాహుబలి' తర్వాత అంతటి ప్రజాదరణ పొందిన పాన్ఇండియా చిత్రం 'కేజీఎఫ్'. ఈ చిత్ర రెండో భాగానికి సంబంధించిన డిజిటల్ హక్కులను తాజాగా అమెజాన్ ప్రైమ్ రూ.55 కోట్లకు కొనుగోలు చేసింది. దక్షిణాది భాషలతో పాటు హిందీలోనూ ఈ సినిమా ఆన్లైన్ హక్కులను సొంతం చేసుకుంది. ఇప్పటికే ఈ సినిమా మొదటి భాగం డిజిటల్ హక్కులను కొనుగోలు చేసిన అమెజాన్.. రెండో భాగాన్నీ సొంతం చేసుకోవడం విశేషం.
దర్శకుడి కోసం స్టార్ హీరోలు
ప్రశాంత్ నీల్ దర్శకత్వంలో తెరకెక్కిన 'కేజీఎఫ్'లో కన్నడ హీరో యశ్ ప్రధానపాత్రలో నటించాడు. ఈ చిత్రం 2018లో విడుదలై బాక్సాఫీస్ వద్ద ఘనవిజయం సాధించడం సహా యశ్కు స్టార్డమ్ తెచ్చిపెట్టింది. దర్శకుడు ప్రశాంత్ నీల్కూ దేశవ్యాప్తంగా పేరు తీసుకొచ్చింది. ఈ సినిమా తెచ్చిన క్రేజ్తో ఎన్టీఆర్, మహేశ్బాబు, ప్రభాస్ వంటి స్టార్హీరోలు అతని దర్శకత్వంలో నటించడానికి మొగ్గు చూపుతున్నారు. 'కేజీఎఫ్' రెండో భాగంలో బాలీవుడ్ స్టార్లు సంజయ్ దత్, రవీనా టాండన్లు నటిస్తున్నారు.
ఇదీ చూడండి.. 'నాని చెప్పిందే జరుగుతుందని ఊహించలేదు'
