మన వరకు మాత్రమే పరిమితమైన తెలుగు సినిమా.. గత కొన్నేళ్ల నుంచి పాన్ ఇండియా స్థాయిలో అభిమానుల్ని అలరిస్తోంది. అందుకు తగ్గట్లే పబ్లిసిటీ చేస్తున్నారు. ఇప్పుడు ఆ రేంజ్ కూడా పెంచేస్తున్నారు. ఏకంగా విదేశాల్లో ఈవెంట్లు చేసేందుకు సిద్ధమవుతున్నారు. అందులో భాగంగా 'ఆర్ఆర్ఆర్', 'పుష్ప' చిత్రబృందాలు రెడీ అవుతున్నాయి!
దక్షిణాది సినిమాలకు ఇటీవల కాలంలో దుబాయ్ ప్రమోషనల్ హబ్గా మారింది. గతంలో హిందీ చిత్రాల ప్రచారం అక్కడ జరగ్గా.. రజనీకాంత్ 'రోబో'తో అక్కడ దక్షిణాది సినిమాల ప్రచారం మొదలైంది. దుల్కర్ సల్మాన్ 'కురుప్' ట్రైలర్ను ఇప్పుడు అత్యంత ఎత్తయిన బుర్జ్ ఖలీఫాపై ప్రదర్శించి, సరికొత్త ట్రెండ్ సెట్ చేశారు.
ఎస్.ఎస్.రాజమౌళి దర్శకత్వంలో తెరకెక్కుతున్న ప్రతిష్టాత్మక చిత్రం 'ఆర్ఆర్ఆర్'. ఈ సినిమాకు సంబంధించిన ఓ కీలక ఈవెంట్ను దుబాయ్లోనే నిర్వహించనున్నారు. త్వరలో దీని గురించి ప్రకటన వచ్చే అవకాశముంది. జనవరి 7న ఈ సినిమా థియేటర్లలోకి రానుంది.
అల్లు అర్జున్ 'పుష్ప' టీమ్ దృష్టి కూడా దుబాయ్పైనే పడిందట! త్వరలో ఆ దేశంలో పబ్లిసిటీ ఈవెంట్ను పెట్టాలని భావిస్తున్నారు. మలయాళీలు ఎక్కువగా ఉండే ఆ దేశంలో ప్రచార కార్యక్రమం నిర్వహిస్తే.. చాలామందికి రీచ్ అయ్యే అవకాశముందనే ఆలోచనతో చిత్రబృందం ఉంది. ఈ సినిమా డిసెంబరు 17న ప్రేక్షకులను పలకరించనుంది.
ఇవీ చదవండి:
- 'ఆర్ఆర్ఆర్' డైలాగ్ రివీల్ చేసిన రాజమౌళి
- RRR songs: 'నాటు నాటు.. ఊర నాటు' సాంగ్ రిలీజ్
- RRR: ఎన్టీఆర్ని అలా చూపిస్తే అభిమానులు ఊరుకుంటారా?: ఎస్ఎస్ రాజమౌళి
- 'ఆర్ఆర్ఆర్' కోసం పేరు మార్చుకున్న ఆ సంస్థ
- Pushpa release date: హిందీలో 'పుష్ప' రిలీజ్ కష్టమేనా?
- 1000 మంది డ్యాన్సర్లతో 'పుష్ప' సాంగ్.. థియేటర్లలో పూనకాలే!
- 'పుష్ప' సాంగ్తో బన్నీ అదిరిపోయే రికార్డు
