బాలీవుడ్ స్టార్ హీరో షారుక్ ఖాన్ తనయ సుహానా ఖాన్ సినీ ఎంట్రీకి ముహూర్తం ఖరారైనట్లు కనిపిస్తోంది. త్వరలోనే ఆమెను దర్శకురాలు జోయా అక్తర్ వెండితెరకు పరిచయం చేయనుందంటూ ప్రస్తుతం జోరుగా ప్రచారం సాగుతోంది. సుహానా ప్రధాన పాత్రలో ప్రముఖ కామిక్ పుస్తకం 'ఆర్చి'ని సినిమాగా తెరకెక్కించనున్నారని తెలుస్తోంది. టీనేజ్ రొమాంటిక్ కామెడీ డ్రామా నేపథ్యంలో ఈ కథ ఉంటుందట. ప్రస్తుతం జోయా ఈ పుస్తకాన్ని ఇండియన్ వెర్షన్లోకి అభివృద్ధి చేసే పనిలో ఉన్నారని సమాచారం.
సుహానాతో పాటు మరో ఇద్దరు స్టార్ కిడ్స్ను కూడా ఈ చిత్రంతోనే పరిచయం చేయాలని జోయా ప్రయత్నిస్తున్నారట. ప్రస్తుతం చిత్రబృందం.. మిగతా నటీనటులను ఎంపిక చేసే ప్రక్రియలో బిజీగా ఉంది. అంతా అనుకున్నట్లు జరిగి సినిమా రూపొందితే నెట్ఫ్లిక్స్లో ఈ మూవీ విడుదల కానుంది. త్వరలోనే దీనిపై అధికార ప్రకటన వచ్చే అవకాశం ఉంది.
- " class="align-text-top noRightClick twitterSection" data="
">
అంతకుముందు సుహానా 'ది గ్రే పార్ట్ ఆఫ్ బ్లూ' షార్ట్ ఫిల్మ్లో నటించింది. ఇందులో ఆమె నటనకు ప్రశంసలు దక్కాయి. యూట్యూబ్లో ఈ చిత్రం అధిక వ్యూస్ను దక్కించుకుంది. సోషల్మీడియాలోనూ సుహానా చురుగ్గూ ఉంటూ తరచూ ఫొటోలను పోస్ట్ చేస్తుంటుంది.
- " class="align-text-top noRightClick twitterSection" data="
">
ఇదీ చూడండి: షారుక్ తనయ సుహానా 'జబర్దస్త్ క్లిక్స్'
