Radhe shyam release date: ప్రభాస్, పూజా హెగ్డే జంటగా నటించిన 'రాధేశ్యామ్' చిత్రం మార్చి11న ప్రపంచవ్యాప్తంగా విడుదల కానుంది. ఈ సందర్భంగా ప్రొమోషన్స్ను వేగవంతం చేసింది చిత్రబృందం. హైదరాబాద్లో నిర్వహించిన ప్రెస్ మీట్లో పాల్గొంది.
ఈ క్రమంలో చిత్ర కథానాయకుడు ప్రభాస్ ఆసక్తికర విషయాలను వెల్లడించారు. 'రాధేశ్యామ్' క్లైమాక్స్ కోసమే రెండేళ్లు కష్టపడ్డాం అని తెలిపారు. సినిమాను మేము ఒకలాగా చూస్తే.. తమన్ మరోలా చూశారని.. తన బ్యాక్గ్రౌండ్ మ్యూజిక్తో 'రాధేశ్యామ్'చిత్రాన్ని మరో స్థాయికి తీసుకెళ్లారని ప్రభాస్ కొనియాడారు.
" చాలారోజుల తర్వాత పెదనాన్నగారి(కృష్ణంరాజు) నిర్మాణ సంస్థ గోపీకృష్ణ మూవీస్తో పనిచేయడం సంతోషాన్నిచ్చింది. ఈ సినిమాలో పెద నాన్న ఓ పవర్ఫుల్ పాత్ర చేస్తున్నారు. ఆర్ట్ డైరెక్టర్ రవితో ఛత్రపతి నుంచి పనిచేస్తున్నా. ప్రతి సీన్ ఎంతో కేర్ తీసుకుని చేస్తారు. జస్టిన్ ప్రభాకరన్ పాటలు బాగున్నాయి. క్లైమాక్స్ కోసమే రెండేళ్లు కష్టపడ్డాం."
-- ప్రభాస్
ఇక ఈ చిత్రం అమెరికాలో గ్రాండ్గా రిలీజ్ అయ్యేందుకు సిద్ధమైంది. మార్చి 10న రికార్డు స్థాయిలో ప్రీమియర్ షోలు ప్రదర్శన కానున్నాయి. 1,116 లోకేషన్లలో 11,116 షోలు వేయనున్నారు. అడ్వాన్స్ బుకింగ్స్ కూడా రికార్డు స్థాయిలో అవుతున్నట్లు తెలిసింది.
రొమాంటిక్ లవ్స్టోరీగా తెరకెక్కిన ఈ సినిమాకు దర్శకధీరుడు రాజమౌళి వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
రెండు భాగాలుగా సలార్..?
కేజీఎఫ్ డైరెక్టర్ ప్రశాంత్ నీల్ దర్శకత్వంలో ప్రభాస్ చేస్తున్న చిత్రం 'సలార్'. సలార్ కూడా కేజీఎఫ్ లాగే రెండు భాగాలు ఉంటుందని ఫ్యాన్స్ ఊహించుకుంటున్నారు. ఈ చిత్రం రెండు భాగాలుగా చేస్తున్నారా..? అని అడగ్గా.. ప్రభాస్ నవ్వుతూ ఆ ప్రశ్నను దాటేశారు. కేజీఎఫ్ను నిర్మించిన హోంబలే సంస్థనే ఈ చిత్రాన్నీ తీస్తోంది. ఈ ఏడాదే ఈ చిత్రం ప్రేక్షకుల ముందుకు రానుంది.
- " class="align-text-top noRightClick twitterSection" data="">
ఇదీ చూడండి: 'ప్రభాస్ సెట్లో ఉంటే ఫుల్ ఎంజాయ్'
