యంగ్ రెబల్ స్టార్ ప్రభాస్ 'రాధేశ్యామ్' చిత్ర ముందస్తు విడుదల వేడుకలకు వేదిక ఖరారైంది. ఈ నెల 23న హైదరాబాద్లోని రామోజీఫిల్మ్ సిటీ వేదికగా ఈ వేడుకలను నిర్వహిస్తున్నట్లు చిత్రబృందం వెల్లడించింది. ఈ కార్యక్రమానికి అభిమానులే అతిథులుగా హాజరవుతారని పేర్కొంది.
తెలుగు రాష్ట్రాల నుంచి పెద్ద సంఖ్యలో ప్రభాస్ అభిమానులు ఈ వేడుకలకు రానున్న నేపథ్యంలో కొవిడ్ నిబంధనలకు కచ్చితంగా పాటించాలని చిత్రబృందం సూచించింది. ఇదే వేదికపై 5 భాషల్లో రాధేశ్యామ్ ట్రైలర్ను విడుదల చేయనున్నారు.
ఇప్పటికే విడుదలైన టీజర్లు, పాటలు 'రాధేశ్యామ్'పై ఆసక్తి రేకెత్తిస్తుండగా ట్రైలర్, సినిమా కోసం అభిమానులు ఆత్రుతగా ఎదురుచూస్తున్నారు. ఈ క్రమంలో ఫిల్మ్ సిటీ వేదికగా కట్టుదిట్టమైన భద్రత మధ్య ముందస్తు విడుదల వేడుకలను ప్రకటించడం పట్ల అభిమానులు ఆనందం వ్యక్తం చేస్తున్నారు.
రాధాకృష్ణకుమార్ దర్శకత్వంలో యూవీ క్రియేషన్స్, గోపీకృష్ణ మూవీస్ సంయుక్తంగా ఈ చిత్రాన్ని నిర్మించగా.. వచ్చే ఏడాది జనవరి 14న 'రాధేశ్యామ్' ప్రేక్షకుల ముందుకు రానుంది.
- " class="align-text-top noRightClick twitterSection" data="">
ఇవీ చదవండి:
