పునీత్ రాజ్కుమార్ హఠాన్మరణం సినీ పరిశ్రమకు తీరని లోటు మిగిల్చింది. తన నటన, వ్యక్తిత్వంతో మన్ననలు పొందిన పునీత్.. ఇక లేరనే విషయాన్ని అభిమానులు జీర్ణించుకోలేకపోతున్నారు. అయితే పునీత్ కేవలం కన్నడ చిత్రపరిశ్రమకే పరిమితం కాదు. తెలుగుతోనూ ఆయనకు ప్రత్యేక అనుబంధం ఉంది. హీరోగా ఆయన మొదటి సినిమా దర్శకుడు.. మన టాలీవుడ్కు చెందిన పూరీ జగన్నాథ్.
- పునీత్ రాజ్కుమార్ తొలి సినిమా 'అప్పు'. తెలుగులో అప్పటికే మంచి గుర్తింపు పొందిన పూరీ జగన్నాథ్.. ఈ చిత్ర దర్శకుడు. అప్పట్లో ఈ సినిమా ఓ సంచలన విజయం సాధించింది. ఆ తర్వాత ఈ సినిమాను నాలుగు భాషల్లో తెరకెక్కించగా.. అన్నింటా సూపర్ హిట్ అయ్యింది. ముఖ్యంగా అప్పు, ఇడియట్ను (తెలుగులో రవితేజ హీరో) ఏకకాలంలో తీసి బ్లాక్బస్టర్ కొట్టారు పూరీ. 2002 ఏప్రిల్లో అప్పు విడుదల కాగా.. అదే ఏడాది ఆగస్టులో ఇడియట్ థియేటర్లలోకి వచ్చింది.
- " class="align-text-top noRightClick twitterSection" data="">
- 2003లో 'అభి' చిత్రంతో మరో హిట్ కొట్టారు పునీత్. ఈ సినిమా దర్శకుడు దినేశ్ బాబు. ప్రముఖ నటి రమ్య ఈ చిత్రంతోనే సినీ పరిశ్రమలోకి అడుగుపెట్టారు. దిగ్గజ నటుడు రాజ్కుమార్ ఈ సినిమాలో ఓ పాట కూడా పాడారు. మరో విశేషం ఏంటంటే.. ఇదే సినిమా 'అభిమన్యు'గా తెలుగు ప్రేక్షకుల ముందుకు వచ్చింది. ఈ చిత్రానికి కల్యాణ్ రామ్ హీరో.
- 2004లో 'వీర కన్నడిగ'గా ప్రేక్షకుల ముందుకొచ్చారు పునీత్. తెలుగులో జూనియర్ ఎన్టీఆర్ నటించిన 'ఆంధ్రావాలా'నే ఈ వీర కన్నడిగ. రెండు చిత్రాలు ఏకకాలంలో షూటింగ్ జరుపుకున్నాయి. అయితే వీర కన్నడిగాకు మెహర్ రమేశ్ దర్శకత్వం వహించారు.
- 2003లో పూరీ జగన్నాథ్ తెలుగులో తీసిన 'అమ్మ నాన్న ఓ తమిళమ్మాయి' సూపర్ హిట్ టాక్ సొంతం చేసుకుంది. ఈ సినిమాను 2004లో రీమేక్ చేసి 'మౌర్య'తో హిట్ కొట్టారు పునీత్. తెలుగు ప్రేక్షకులకు సుపరిచితమైన నటి మీరా జాస్మిన్.. ఈ సినిమాతో కన్నడ పరిశ్రమలోకి అడుగుపెట్టారు.
- తెలుగులో ప్రముఖ రచయిత జనార్థన్ మహర్షి అందించిన కథతో 2005లో 'ఆకాశ్' చిత్రంతో ప్రేక్షకులను అలరించారు పునీత్. ఈ సినిమాలో హీరోయిన్గా రమ్య కనిపించారు. బాలకష్ణతో పునీత్ రాజ్కుమార్
- 2004లో తెలుగులో పవన్ కళ్యాణ్తో గుడుంబా శంకర్ తీసిన వీర శంకర బైరిశెట్టితో ఆ వెంటనే ఓ సినిమా చేశారు పునీత్. 'నమ్మ బసవ' పేరుతో 2005లో ఈ చిత్రం విడుదలైంది.
- 2006లో 'అజయ్'తో మరో బ్లాక్బస్టర్ కొట్టారు పునీత్. అది తెలుగులో వచ్చిన 'ఒక్కడు'కు రీమేక్. అజయ్ను మెహర్ రమేశ్ తెరకెక్కించారు.
- 2008లో తెలుగులో సూపర్ హిట్ కొట్టిన రెడీ చిత్రం.. 2009లో 'రామ్' పేరుతో కన్నడలో విడుదలైంది. ఆ చిత్రంలో పునీత్ రాజ్కుమార్- ప్రియమణి నటించారు. కన్నడ సినిమాలో ప్రియమణికి అదే తొలి అవకాశం.
- తెలుగులో పవన్ కళ్యాణ్తో తీన్మార్ తీసిన జయంత్ సీ పరాన్జీ.. 2014లో పునీత్తో 'నినిందలె' తెరకెక్కించారు. ఆయనకు కన్నడ పరిశ్రమలో అదే తొలి చిత్రం.
- కొన్నేళ్ల విరామంతో 2011లో 'దూకుడు'తో తిరిగొచ్చి ఇండస్ట్రీ హిట్ కొట్టారు మహేశ్ బాబు. ఈ చిత్రాన్ని 2014లో 'పవర్' పేరుతో రీమేక్ చేశారు పునీత్. తెలుగులో నిర్మాతలుగా వ్యవహరించిన రామ్, గోపి అచంటలే అక్కడా సినిమాని తీశారు. త్రిష కథానాయిక.
- " class="align-text-top noRightClick twitterSection" data="">
- తెలుగు స్టార్ మ్యూజిక్ డైరెక్టర్.. ఎస్ఎస్ తమన్.. 2016లో పునీత్ హిరోగా వచ్చిన 'చక్రవ్యూహ'కు సంగీతం అందించారు. ఈ సినిమాలో 'గెలయా గెలయా' పాట పాడింది జూనియర్ ఎన్టీఆర్. అప్పట్లో ఈ పాట యువతలో మంచి క్రేజ్ సంపాదించుకుంది.
- " class="align-text-top noRightClick twitterSection" data="">
- పునీత్ రాజ్కుమార్ చివరి చిత్రం 'యువరత్న' ఈ ఏడాది ఏప్రిల్లో విడుదలైంది. ఈ సినిమాకు తమన్ సంగీతం అందించారు. ఈ సినిమా అదే పేరుతో తెలుగులోనూ డబ్ అయ్యింది.
- " class="align-text-top noRightClick twitterSection" data="">
శుక్రవారం ఉదయం జిమ్లో వ్యాయామం చేస్తున్న సమయంలో పునీత్ రాజ్కుమార్కు గుండెపోటు వచ్చింది. హుటాహుటిన ఆస్పత్రికి తీసుకెళ్లినప్పటికీ పునీత్ ప్రాణాలను వైద్యులు కాపాడలేకపోయారు. కన్నడ పవర్ స్టార్ మృతి పట్ల పలువురు నటీనటులు, అభిమానులు సంతాపం తెలియజేస్తూ సోషల్ మీడియాలో పోస్టులు పెడుతున్నారు.
ఇవీ చూడండి:-
