'ఒక లైలా కోసం'తో టాలీవుడ్లో ఎంట్రీ ఇచ్చిన పూజా హెగ్డే.. అగ్ర హీరోలతో కలిసి నటిస్తూ, స్టార్ హీరోయిన్గా వెలిగిపోతుంది. ప్రస్తుతం ప్రభాస్ 'జాన్', అఖిల్ కొత్త సినిమాల్లో నటిస్తోంది. ఇటీవలే ఇచ్చిన ఓ ఇంటర్వ్యూలో తన గురించి తన కుటుంబం గురించి పలు ఆసక్తికరమైన విషయాలను చెప్పుకొచ్చింది.
"నేను కథలతో పాటు సినిమా బడ్జెట్, కలెక్షన్స్ గురించి తెలుసుకుంటా. నిర్మాతలు నాపై నమ్మకంతో అడిగినంత పారితోషికం ఇస్తున్నారు. వాళ్ళ చిత్రాల్లో నేను ఉండాలనుకుంటున్నారు. అందుకే నా పాత్రకు న్యాయం చేయడం సహా సినిమా గురించి కూడా ఆలోచిస్తా. నిర్మాతలకు లాభాలు రావడం నాకూ ముఖ్యమే కదా. ఎంతైనా నేను శెట్టి ఫ్యామిలీకి చెందిన అమ్మాయిని. మా రక్తంలోనే వ్యాపారం ఉంది. మా తాతయ్యకు రెస్టారెంట్లు ఉన్నాయి. అందుకేమో నేనూ వ్యాపారవేత్తలా ఆలోచిస్తున్నా"
- పూజా హెగ్డే, నటి
పూజాహెగ్డే.. ఇటీవల అల్లుఅర్జున్ 'అల వైకుంఠపురములో' సినిమాలో హీరోయిన్గా నటించింది. ప్రస్తుతం బాక్సాఫీస్ వద్ద జోరు చూపిస్తోందీ చిత్రం.
ఇదీ చదవండి: 'కార్తికేయ' సీక్వెల్లో ఆ ఇద్దరు ముద్దుగుమ్మలు!
