పులి.. కుందేలు కథ చెబుతూ 'సర్కారు వారి పాట'(Sarkaru Vaari Paata) బ్లాస్టర్‌తో హీరో మహేశ్ బాబు(Mahesh Babu) చేసిన సందడి అంతా ఇంతా కాదు. అదే తరహాలో మహేశ్ మరోసారి విలన్లతో ఓ ఆట ఆడుకున్నారు. మరి ఆ ఆట ఎలా సాగిందో తెలియాలంటే మాత్రం 'సర్కారు వారి పాట' విడుదలయ్యే వరకు ఎదురు చూడాల్సిందేనని చిత్రబృందం అంటోంది.
ఈ సినిమాకు సంబంధించిన కీలక యాక్షన్ సీక్వెన్స్ తెరకెక్కించేందుకు గోవా చేరుకున్న చిత్రయూనిట్.. బుధవారంతో షెడ్యూల్ పూర్తి చేసుకొని హైదరాబాద్ తిరిగి వచ్చింది. ప్రత్యేకంగా తీర్చిదిద్దిన ఓ సెట్‌లో.. రామ్ లక్ష్మణ్ నేతృత్వంలో ఆ పోరాట ఘట్టాన్ని తెరకెక్కించారు.
పరశురామ్(Parasuram) దర్శకత్వంలో రూపొందుతోన్న ఈ చిత్రంలో మహేశ్బాబు సరసన కీర్తిసురేశ్(Keerthy Suresh) నటిస్తోంది. నవీన్‌ ఎర్నేని, వై.రవిశంకర్‌, రామ్ ఆచంట, గోపీచంద్‌ ఆచంట నిర్మాతలు. ఈ చిత్రం వచ్చే సంక్రాంతి సందర్భంగా జనవరి 13న(Sarkaru Vaari Paata Release Date) ప్రేక్షకుల ముందుకు రానుంది.
ఇదీ చూడండి.. స్టార్ హీరోల సినిమాలు సంక్రాంతికి కష్టమేనా?
