50 రోజుల 'అఖండ'.. రూ.200 కోట్ల వసూళ్లు

Akhanda 50 Days Jathara: అత్యంత విజయవంతంగా థియేటర్లలో 50వ రోజులోకి అడుగుపెట్టిన 'అఖండ'.. సరిగ్గా ఇదే రోజు రూ.200 కోట్ల కలెక్షన్ మార్క్ను అందుకుంది. ఈ విషయాన్ని చెబుతూ చిత్రబృందం పోస్టర్లు కూడా రిలీజ్ చేసింది.

బాలయ్య అఖండ మూవీ

Published : Jan 20, 2022, 9:42 AM IST

Balayya akhanda movie: నందమూరి బాలయ్య 'అఖండ' సినిమా అద్భుతం చేసింది. కరోనా రెండో దశ ప్రభావం, టిక్కెట్ రేట్ల వివాదం, షోల తగ్గింపు ఇలా పలు ఇబ్బందుల్ని ఎదుర్కొని అత్యంత విజయవంతంగా 50వ రోజులోకి అడుగుపెట్టింది. 103 కేంద్రాల్లో ఈ మార్క్ను అందుకుంది. ప్రస్తుతం ఈ ఘనత సాధించడమనేది గొప్ప విషయమనే చెప్పాలి.

ఎందుకంటే కరోనా మన జీవితాల్లోకి ప్రవేశించిన తర్వాత అన్ని రంగాలపై ఎఫెక్ట్ పడినట్లుగానే సినిమాలపై తీవ్ర ప్రభావం పడింది. కొన్ని నెలల పాటు థియేటర్లు మూసివేశారు. ఆ తర్వాత వాటిని తెరిచినప్పటికీ ప్రేక్షకులు రావడం మాత్రం తగ్గిపోయింది. ఇలాంటి టైమ్లో వచ్చిన 'అఖండ'.. థియేటర్లలో ఆడియెన్స్కు పూనకాలు తెప్పించింది.

బాలయ్య అఖండ 50 డేస్ పోస్టర్

బాలయ్య విశ్వరూపం, బోయపాటి మాస్ డైరెక్షన్, తమన్ బ్యాక్గ్రౌండ్ మ్యూజిక్.. సినిమాను మరో స్థాయిలో నిలబెట్టాయి. బంపర్ హిట్ అందించాయి. దీంతో 50వ రోజులో అడుగుపెట్టే సమయానికి థియేటర్లలో గ్రాస్-నాన్ థియేట్రికల్ హక్కులు మొత్తం కలిపి రూ.200 కోట్లు వసూలు చేసింది. బాలయ్య కెరీర్లో ఈ మార్క్ అందుకోవడం ఇదే తొలిసారి కావడం విశేషం.