kamal hassan discharge: ఇటీవలే కరోనా నుంచి కోలుకున్న దిగ్గజ నటుడు కమల్హాసన్ ఆస్పత్రి నుంచి డిశ్చార్జ్ అయ్యారు. పూర్తి ఆరోగ్యంతో ఉన్న ఆయన.. ఐసోలేషన్ నుంచి బయటకొచ్చారు. ఈ మేరకు ఆస్పత్రి సిబ్బందితో కలిసి ఆయన దిగిన ఓ ఫొటో ప్రస్తుతం వైరల్గా మారింది.
నవంబరు 22న కమల్ హాసన్కు కరోనా సోకింది. అమెరికా నుంచి భారత్‌కు చేరుకున్న తర్వాత పరీక్షలు చేయించుకోగా కరోనా పాజిటివ్‌గా నిర్ధరణ అయ్యిందని కమల్ ట్విట్టర్లో తెలిపారు. అప్పటి నుంచి ఆస్పత్రిలో చికిత్స పొందుతున్నారు. ఈ క్రమంలోనే డిసెంబరు 1న కరోనా నుంచి ఆయన కోలుకున్నట్లు ఆస్పత్రి యాజమాన్యం తెలిపింది. కానీ డిసెంబరు 3వరకు ఆయన ఐసోలేషన్లోనే ఉంటారని స్పష్టం చేసింది.
త్వరలోనే కమల్.. 'విక్రమ్' సినిమాతో ప్రేక్షకుల ముందుకు రానున్నారు. లోకేశ్ కనగరాజ్‌ దర్శకత్వం వహిస్తున్న ఈ చిత్రంలో విజయ్ సేతుపతి, ఫహాద్ ఫాజిల్ ముఖ్య పాత్రల్లో కనిపించనున్నారు. ఈ మూవీతో పాటు శంకర్ దర్శకత్వంలో తెరకెక్కాల్సిన 'ఇండియన్ 2'లోనూ కమల్ నటించనున్నారు. ఇప్పటికే షూటింగ్ ప్రారంభిమైన ఈ సినిమా తాత్కాలికంగా నిలిచిపోయింది.
ఇదీ చూడండి: Kamal Haasan covid: కరోనా నుంచి కోలుకున్న కమల్ హాసన్
