How To Find Your Lost Earbuds : నేటి యువతీ, యువకులు ఎక్కువగా ట్రూ-వైర్లెస్ ఇయర్బడ్స్ ఉపయోగించడానికి ఎక్కువగా ఇష్టపడుతున్నారు. ఎందుకంటే, ఈ ఇయర్బడ్స్ చూడడానికి మంచి ప్రొఫెషనల్ లుక్తో ఉంటాయి. పైగా మంచి సౌండ్ క్వాలిటీ కూడా కలిగి ఉంటాయి. అయితే వైర్స్ లేకపోవడం వల్ల ఈ ఇయర్బడ్స్ను పోగొట్టుకునే అవకాశం ఎక్కువగా ఉంటుంది. అందుకే ఈ సమస్యకు చెక్ పెట్టేందుకు శాంసంగ్, యాపిల్ కంపెనీలు.. వాటిలో సరికొత్త సాఫ్ట్వేర్లను అమర్చాయి. వీటి ఆధారంగా పోయిన మన ఇయర్బడ్స్ లొకేషన్ను చాలా సులువుగా ట్రాక్ చేసుకోవచ్చు. మరీ ముఖ్యంగా మీ ఇయర్బడ్స్ ఫోన్తో కనెక్ట్ అయ్యి ఉండనప్పటికీ వాటిని కనిపెట్టవచ్చు. వీటితో పాటు ఇతర సాధారణ ఇయర్బడ్స్ను కూడా సులువుగా ట్రాక్ చేయవచ్చు. అదెలాగో ఇప్పుడు తెలుసుకుందాం.
పోగొట్టుకున్న శాంసంగ్ ఇయర్బడ్స్ను ట్రాక్ చేయండిలా!
How To Track Lost Samsung Galaxy Earbuds : శాంసంగ్ తమ యూజర్ల కోసం Galaxy Wearables అప్లికేషన్ను SmartThings Findతో అనుసంధానం చేసింది. కనుక దీనిని ఉపయోగించి మీ ఇయర్బడ్స్ను చాలా సులువుగా ట్రాక్ చేయవచ్చు. అయితే ఇక్కడ రెండు కండిషన్లు ఉన్నాయి. అవి ఏమిటంటే.. మీ ఇయర్బడ్స్లో కొంత మేరకైనా బ్యాటరీ లైఫ్ ఉండాలి. అలాగే ఇటీవలే మీ ఫోన్కు వాటిని అనుసంధానం చేసి ఉండాలి. అప్పుడే మీరు గెలాక్సీ వేరియబుల్స్ అప్లికేషన్ ఉపయోగించి, వాటిని ట్రాక్ చేయగలరు. అది ఎలాగో ఇప్పుడు చూద్దాం.
- ముందుగా మీరు Galaxy Wearables యాప్ను ఓపెన్ చేయాలి.
- Find My Earbuds ను ట్యాప్ చేసి, Start బటన్ను నొక్కాలి.
- వెంటనే మీ ఇయర్బడ్స్ నుంచి బీపింగ్ సౌండ్ వినిపిస్తుంది.
- ఈ బీప్ శబ్దం ఆధారంగా మీ ఇయర్బడ్స్ను ఉన్న లొకేషన్ను సులువుగా ట్రాక్ చేసుకోవచ్చు.
- మీరు కనుక సరికొత్త శాంసంగ్ ఇయర్బడ్స్ కొని ఉంటే.. అవి కచ్చితంగా SmartThingsతో అనుసంధానం అయ్యుంటాయి.
- కనుక మీరు SmartThings Find App యాప్లోకి వెళ్లి Find My Earbuds ఆప్షన్ను ట్యాప్ చేయాలి.
- వెంటనే మీకు, గూగుల్ మ్యాప్స్లో.. ఇయర్బడ్స్ లాస్ట్ రికార్డెడ్ లొకేషన్ కనిపిస్తుంది.
- ఒక వేళ మీరు లొకేషన్కు వెళ్లినప్పటికీ అది కనిపించకపోతే.. యాప్లోనే Ring ఆప్షన్ను క్లిక్ చేయాలి.
- వెంటనే మీకు ఇయర్బడ్స్ నుంచి బీప్ సౌండ్ వినిపిస్తుంది.
- ఒకవేళ మీరు నడుచుకుంటూ వెళ్తుంటే.. గూగుల్ మ్యాప్స్లోని Navigate బటన్ను నొక్కాలి.
- అప్పుడు ఇయర్బడ్స్ ఉన్న డైరెక్షన్ను, రూట్ను అది చూపిస్తుంది.
- ఈ విధంగా పోగొట్టుకున్న శాంసంగ్ ఇయర్బడ్స్ను చాలా సులువుగా ట్రాక్ చేసుకోవచ్చు.
మరోసారి పోగొట్టుకోకుండా ఉండాలంటే?
- మీరు శాంసంగ్ ఇయర్బడ్స్ పోగొట్టుకోకుండా ఉండాలంటే.. ముందుగా SmartThingsFind యాప్ను ఓపెన్ చేయాలి.
- Devices డ్రాప్డౌన్ మెనూలో.. మీ ఇయర్బడ్స్ మోడల్ను సెలెక్ట్ చేసుకోవాలి. తరువాత..
- Find Device ఆప్షన్ను ఎంచుకొని.. Notify When Left behindను ఎనేబుల్ చేసుకోవాలి. అంతే సింపుల్!
- ఇకపై మీరు ఎప్పుడైనా ఇయర్బడ్స్ మరిచిపోయి.. దూరంగా వెళ్లిపోతే, వెంటనే మీకు అలర్ట్ వస్తుంది.
యాపిల్ ఎయిర్పాడ్స్ను ట్రాక్ చేసే విధానం
How To Track Your Lost Apple AirPods : యాపిల్ కంపెనీ తమ యూజర్ల కోసం Find My అప్లికేషన్ను రూపొందించింది. దీనిని ఉపయోగించి పోగొట్టుకున్న యాపిల్ ఎయిర్పాడ్స్ను సులువుగా ట్రాక్ చేసుకోవచ్చు. ముఖ్యంగా ఈ యాపిల్ Find My అప్లికేషన్లో ఒక యూనిక్ ఫీచర్ ఉంది. దీని ద్వారా మీ ఎయిర్పాడ్స్ నుంచి వచ్చే బ్లూటూత్ సిగ్నల్స్ను ట్రాక్ చేసి, అవి ఉన్న లొకేషన్ను సులువుగా తెలుసుకోవచ్చు. ప్రస్తుతం మరే ఇతర కంపెనీల యాప్ల్లోనూ ఈ స్పెషల్ ఫీచర్ అందుబాటులో లేదు. ఇప్పుడు మనం యాపిల్ ఎయిర్పాడ్స్ను ఎలా ట్రాక్ చేయాలో తెలుసుకుందాం.
- ముందుగా మీరు Find My Appను ఓపెన్ చేయండి.
- Devices సెక్షన్లోకి వెళ్లి మీ ఎయిర్పాడ్స్ మోడల్ను ఎంచుకోండి.
- మీరు పోగొట్టున్న ఎడమ/కుడి ఎయిర్పాడ్స్ను ఎంచుకోండి.
- వెంటనే మీకు యాపిల్ మ్యాప్స్లో.. సదరు ఎయిర్పాడ్ పనిచేసిన చివరి లొకేషన్ కనిపిస్తుంది.
- మీరు సదరు ప్రాంతానికి వెళ్లి, Play Sound ట్యాబ్ను నొక్కండి.
- వెంటనే మీకు ఎయిర్పాడ్స్ నుంచి సౌండ్ వినిపిస్తుంది.
- ఈ విధంగా మీరు సులువుగా పోగొట్టుకున్న మీ ఎయిర్పాడ్స్ను గుర్తించవచ్చు.
- ఒకవేళ మీరు దూరంగా ఉంటే.. Get Direction ఆప్షన్ను ఎంచుకోండి.
- వెంటనే యాపిల్ మాప్స్.. సదరు ఎయిర్పాడ్స్ ఉన్న లొకేషన్ వాకింగ్ డైరెక్షన్ను మీకు చూపిస్తుంది.
- ఈ విధంగా మీరు ఎయిర్పాడ్స్ను చాలా సులువుగా ట్రాక్ చేసుకోవచ్చు.
- ఒక వేళ అప్పటికీ మీ ఎయిర్పాడ్స్ దొరకకపోతే.. వెంటనే మీరు Mark as Lost ఆప్షన్ను యాక్టివేట్ చేసుకోండి.
- తరువాత మీ కాంటాక్ట్ డీటైల్స్ను అందులో ఎంటర్ చేయండి.
- అప్పుడు ఎవరికైనా మీ ఇయర్బడ్స్ దొరికితే.. వాళ్లు మీకు సదరు ఇయర్బడ్స్ను ఇచ్చేందుకు అవకాశం ఏర్పడుతుంది.
సాధారణ ఇయర్బడ్స్ లేదా హెడ్ఫోన్స్ ట్రాక్ చేయడం ఎలా?
How To Track Lost earbuds Or Headphones : మీరు గనుక ఆండ్రాయిడ్ ఫోన్లకు సంబంధించిన ఇయర్బడ్స్ వాడుతుంటే.. గూగుల్కు సంబంధించిన Find My Device సిస్టమ్ను ఉపయోగించవచ్చు. అది ఎలాగో ఇప్పుడు తెలుసుకుందాం.
- ముందుగా మీరు ఫోన్లో గూగుల్కు చెందిన Find My Device యాప్ను ఇన్స్టాల్ చేసుకోండి.
- ఈ యాప్లోకి వెళ్లి, Device సెక్షన్లో మీ ఇయర్బడ్స్ మోడల్ను సెలెక్ట్ చేసుకోండి.
- వెంటనే సదరు ఇయర్బడ్స్ ఉపయోగించిన, లాస్ట్ రికార్డెడ్ లొకేషన్ మీకు కనిపిస్తుంది.
- ఈ విధంగా మీరు గూగుల్ మ్యాప్స్ ఉపయోగించి సదరు ఇయర్బడ్స్ ఉన్న లొకేషన్ను ట్రాక్ చేసుకోవచ్చు.
