పాక్​లోని చైనీయులపై మరో దాడి- ఒకరికి గాయాలు

పాకిస్థాన్​లో జరిగిన కాల్పుల్లో చైనాకు చెందిన ఓ వ్యక్తి గాయపడ్డాడు. ఆత్మాహుతి దాడిలో 9 మంది చైనీయులు చనిపోయిన కొద్దిరోజులకే ఈ ఘటన జరగడం ప్రాధాన్యం సంతరించుకుంది.

పాకిస్థాన్​ కరాచీలో కాల్పులు కలకలం సృష్టించాయి. ఈ ఘటనలో చైనాకు చెందిన ఓ వ్యక్తి గాయపడ్డాడు. బాధితుడితో సహా మరో చైనావాసి.. కరాచీలోని పారిశ్రామిక వాడకు కారులో వెళ్తుండగా ఈ దాడి జరిగింది.

చైనీయుల కారుపై దుండగుల దాడి

దుండగుల దాడిలో దెబ్బతిన్న కారు అద్దాలు

పేలుడు కారణంగా ఓ బస్సు లోయలోకి దూసుకుపోయి తొమ్మిది మంది చైనా కార్మికులు మృతి చెందిన రెండు వారాల తర్వాత అదే దేశానికి చెందిన మరో వ్యక్తిపై దాడి జరగడం చర్చనీయాంశమైంది.

ఇదీ చూడండి: ప్రపంచ దేశాల్లో కేసులు తీవ్రం- మూడోవేవ్ మొదలైనట్టేనా?