KGF Chapter2 RCB players: దేశ ప్రజలకు అంతులేని వినోదాన్ని పంచేందుకు రాయల్ ఛాలెంజర్స్ బెంగళూరు(ఆర్సీబీ), కేజీఎఫ్ నిర్మాణ సంస్థ హోంబలే ఫిల్మ్స్ ఇదివరకే చేతులు కలిపాయి. దీంతో దేశంలో అతిపెద్ద ఎంటర్టైనర్లు అయిన ఐపీఎల్, సినిమాలు ఒక్కచోటికి వచ్చినట్లైంది. సినిమాలు, క్రీడలు, లైఫ్స్టైల్ వంటి అంశాల్లో కలిసి పనిచేయనున్నట్లు ఇటీవలే ప్రకటించాయి. కేజీఎఫ్-2 సక్సెస్తో ఫుల్ జోష్లో ఉంది హోంబలే ఫిల్మ్స్. ఐపీఎల్లో అదరగొడుతూ పాయింట్ల పట్టికలో దూసుకెళ్తోంది ఆర్సీబీ. ఇక వీరిద్దరూ మరోసారి కలిశారు. కేజీఎఫ్-2 సినిమాను ఆర్సీబీ ఆటగాళ్ల కోసం ప్రత్యేకంగా ప్రదర్శించారు. ప్లేయర్లంతా ఉత్సాహంగా సినిమాను చూశారు. ఇందుకు సంబంధించిన వీడియోను హోంబలే ఫిల్మ్స్ యూట్యూబ్లో షేర్ చేసింది.
- " class="align-text-top noRightClick twitterSection" data="">
Jonty Rhodes oh my dog movie: తమిళ స్టార్ కపుల్ సూర్య, జ్యోతిక సంయుక్తంగా నిర్మించిన చిత్రం 'ఓ మై డాగ్'. సింబా అనే పెంపుడు శునకం, దాన్ని గారాబంగా చూసుకునే అర్జున్ అనే బాలుడి మధ్య జరిగే కథతో ఈ సినిమా తెరకెక్కించారు. అమెజాన్ ప్రైమ్లో స్ట్రీమ్ అవుతోంది. గురువారమే రిలీజ్ అయిన ఈ సినిమాపై ప్రముఖ క్రికెటర్ జాంటీ రోడ్స్ ట్వీట్ చేశారు. ఓ జంతు ప్రేమికుడిగా ఈ చిత్రాన్ని చూసేందుకు ఎంతగానో ఎదురుచూస్తున్నట్లు చెప్పుకొచ్చారు. ఈ ట్వీట్కు సూర్యను ట్యాగ్ చేశారు. ఈ నేపథ్యంలో స్పందించిన సూర్య... జాంటీకి థ్యాంక్స్ చెప్పారు. జాంటీ కూతురు అయిన ఇండియా రోడ్స్కు ఈ సినిమా బాగా నచ్చుతుందని భావిస్తున్నానని అన్నాడు. జాంటీ రోడ్స్కు భారత్ అంటే ఎంతో అభిమానం. అందుకే తన కూతురికి ఇండియా అని పేరు పెట్టుకున్నారు.
ఇవీ చదవండి:
'ఆచార్య'కు మహేశ్ గళం.. కలెక్షన్లలో 'కేజీఎఫ్ -2' సరికొత్త రికార్డు!
బిడ్డ పుట్టాక కాజల్ ఫస్ట్ పోస్ట్.. ప్రియాంక కూతురు పేరేంటంటే?
