Sapta Sagaralu Dhaati Teaser : మనసును తాకేలా ఆమె మాటలు.. ఆ రోజే థియేటర్లలోకి సీక్వెల్​

Sapta Sagaralu Dhaati Teaser : రక్షిత్ శెట్టి హీరోగా వచ్చిన తాజా చిత్రం 'సప్త సాగరాలు దాటి సైడ్ - ఏ' తెలుగులోనూ విడుదలై మంచి సక్సెస్ అందుకుంది. ఇప్పుడీ సినిమా సీక్వెల్​ టీజర్​ను రిలీజ్ చేయడంతో పాటు మూవీ రిలీజ్ డేట్​ను కూడా అనౌన్స్ చేశారు.

Sapta Sagaralu Dhaati Teaser : రీసెంట్​గా కన్నడలో విడుదలై సెన్సేషనల్ హిట్ అయిన 'సప్త సాగరాలు దాటి - సైడ్ ఎ'.. తెలుగులోనూ విడుదలైన మంచి టాక్ అందుకుంది. రక్షిత్ శెట్టి హీరోగా నటించిన ఈ చిత్రాన్ని తెలుగు ప్రేక్షకులు కూడా బాగానే ఆదరించారు. అందమైన జీవితాన్ని గడిపేందుకు చేయని నేరాన్ని తన మీద వేసుకుని ఓ యువకుడు జైల్లో పడే వేదనను ఈ సినిమాలో దర్శకుడు అద్భుతంగా చూపించారు. అదే సమయంలో ఆ యువకుడిని బయటకు తీసుకొచ్చేందుకు అతడి ప్రేయసి పడే కష్టాన్ని కూడా బాగా ఎమోషనల్​గా చూపించారు.

Sapta Sagaralu Dhaati Release Date : అయితే ఇప్పుడు 'సప్త సాగరాలు దాటి - సైడ్ బి' రిలీజ్​కు రెడీ అయింది. ఈ సినిమా కోసం ప్రేక్షకులు ఎంతో ఆసక్తిగా ఎదురు చూస్తున్నారు. ఈ నేపథ్యంలో మూవీటీమ్​ రిలీజ్ డేట్​తో పాటు టీజర్​ను విడుదల చేశారు. నవంబర్ 17న చిత్రాన్ని థియేటర్లలోకి తీసుకురానున్నట్లు తెలిపారు.

టీజర్ కూడా సినీ ప్రియులను బాగా ఆకట్టుకుంటోంది. మొదటి భాగంలోని సోల్​ కూడా ఎక్కడా మిస్ కాకుండా ప్రచార చిత్రాన్ని కట్​ చేశారు. ప్రస్తుతం అది ఓటీటీలో అమెజాన్ ప్రైమ్​ వీడియోలో స్ట్రీమింగ్ అవుతోందని గుర్తుచేశారు. తొలి చిత్రంలోని టెంపోనూ ఇందులో కంటిన్యూ చేస్తూ.. హీరో తన ప్రియురాలు చెప్పే మాటలను ట్రాన్సిస్టర్​లో వింటున్నట్లుగా మనసును తాకేలా చూపించారు. చరణ్ రాజ్ బ్యాగ్రౌండ్ మ్యూజిక్ కూడా బాగుంది. అయితే ఈ సింగిల్​ టీజర్​లోనే తెలుగు, కన్నడ, తమిళం, మలయాళ భాషల్లో డైలాగ్స్ పెట్టడం కూడా ఇంట్రెస్టింగ్​గా ఉంది.

ఇక 'సప్త సాగరాలు దాటి సైడ్​ ఎ'లో రుక్మిణి వసంత్ హీరోయిన్‌గా నటించగా.. 'సప్త సాగరాలు - సైడ్ బి'లో చైత్ర జే ఆచార్ కూడా మరో హీరోయిన్‌గా నటించింది. పరమ్వాహ్ స్టూడియోస్ ఈ చిత్రాన్ని నిర్మించింది. తెలుగులో పీపుల్స్​ మీడియా ఫ్యాక్టరీ రిలీజ్ చేస్తోంది. చూడాలి మరి ఈ సినిమా ఎంత వరకు ఆకట్టుకుంటుందో..

• " class="align-text-top noRightClick twitterSection" data="">