చారిత్రక నేపథ్యం, విజువల్ ఎఫెక్ట్స్, గ్రాఫిక్స్ ఉంటే చాలు ఆడియెన్స్ థియేటర్లకు వచ్చేస్తారనుకుంటే పొరపాటే! అసలే సినిమాను చూసే విషయంలో ప్రేక్షకుల అభిరుచి మారిపోయింది. ఎన్ని హంగులు దిద్దినా కంటెంట్ పక్కాగా ఉండాల్సిందే. కథలో డ్రామా, పాత్రల మధ్య ఎమోషనల్ కనెక్షన్స్ ఉండాల్సిందే! లేదంటే అంటే. తాజాగా విడుదలైన 'శాకుంతలమే' దినికి ఉదాహరణ. రూ.50 కోట్లకు పైగా బడ్జెట్తో రూపొందిన ఈ సినిమా బాక్సాఫీస్ వద్ద డిజాస్టర్గా నిలిచింది. కథ, కథనం, ప్రధాన పాత్రల మధ్య కెమిస్ట్రీ, ఎమోషనల్ కనెక్ట్ లేకపోవడం, పాత్రలు సహజంగా అనిపించకపోవడం, పేలవ వీఎఫ్ఎక్స్, గ్రాఫిక్స్, సెట్టింగ్స్.. ఇలా పలు అంశాలు.. సినిమాకు నెగటివ్ టాక్ తెచ్చిపెట్టాయి.
అయితే ఇదంతా ఇప్పుడు ప్రభాస్ 'ఆదిపురుష్' టీమ్ను, వారి అభిమానులను బాగా కంగారు పెడుతున్నట్లు తెలుస్తోంది. ఎందుకంటే 'శాకుంతలం'లో ఉన్న మైనస్లే 'ఆదిపురుష్'లో కూడా ఉన్నాయనే ఫీలింగ్ ఇప్పటికే ఆడియెన్స్లో ఉంది. ఈ సినిమా విజువల్ ఎఫెక్ట్స్, టీజర్, పోస్టర్స్ ఎవర్నీ ఆకట్టుకోలేకపోయాయి. సోషల్మీడియాలో ఫుల్ ట్రోల్స్కు గురయ్యాయి. దీంతో చేసేదేమి లేక సినిమాను వాయిదా వేసిన మూవీటీమ్.. విజువల్ ఎఫెక్ట్స్, ఇతర అంశాలపై మళ్లీ పూర్తి ఫోకస్ పెట్టి వర్క్ చేస్తోంది. కానీ ఈ వర్క్ చేయడం మొదలు పెట్టాక కూడా అది రిలీజ్ చేసిన పోస్టర్స్.. మళ్లీ ఆడియెన్స్ను నిరాశపెట్టాయి.
సరే ఈ గ్రాఫిక్స్ విషయంలో ఏంత మాత్రం మార్పులు చేసినా.. కాస్త అయితే చేయగలరు కానీ.. మొత్తంగా సినిమా లుక్ను మార్చడం కష్టమే కదా?.. మరి ఏం చేస్తారో కానీ.. ఔట్ పుట్పై ప్రస్తుతం అందరికీ డౌటే ఉంది. ముఖ్యం ప్రభాస్ అభిమానులను తీవ్రంగా కలవరపెడుతోంది. అలానే ఆదిపురుష్ టీమ్ కూడా బయటకు చెప్పుకోలేకపోయినా ఆ భయం వారిని కూడా వెంటాడుతుందనే అనిపిస్తోంది. ఏదేమైనా.. చారిత్రక కథలను స్క్రీన్పై సరిగ్గా ప్రెజెంట్ చేస్తేనే అద్భుతాలు జరుగుతాయి. కొంచెం అటు ఇటు అయితే మాత్రం దారుణ ఫలితాలు వస్తాయి. చూడాలి మరి 'ఆదిపురుష్' సినిమా ఏం చేస్తుందో..
ఆదిపురుష్ సినిమా వివరాల విషయానికొస్తే.. రామాయణం ఆధారంగా రూపొందుతున్న ఈ చిత్రంలో ప్రభాస్ రాముడిగా, కృతిసనన్ సీతగా నటిస్తోంది. దర్శకుడు ఓం రౌత్ దీన్ని తెరకెక్కిస్తున్నారు. లక్ష్మణుడిగా సన్నీసింగ్‌ కనిపించనున్నారు. రామాయణంలో ముఖ్యంగా చెప్పుకొనే రావణాసురుడి పాత్రలో బాలీవుడ్‌ స్టార్ యాక్టర్ సైఫ్‌ అలీఖాన్‌ నటించారు. వచ్చే ఏడాది సంక్రాంతి కానుకగా పాన్ ఇండియా స్థాయిలో జూన్ 16న గ్రాండ్గా ప్రేక్షకుల ముందుకు తీసుకురానున్నారు. దాదాపు రూ.500కోట్ల బడ్జెట్తో రూపొందిస్తున్నారని వినిపిస్తోంది.
ఇదీ చూడండి: 'శాకుంతలం' రిజల్ట్పై సామ్ రియాక్షన్.. ఏమందంటే?
