మెగాస్టార్ చిరంజీవి మాస్ గెటప్లో వస్తున్న చిత్రం 'వాల్తేరు వీరయ్య'. ఈ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఇప్పటికే ఈ సినిమా నుంచి మూడు పాటలు విడుదలై ఫ్యాన్స్ను ఉర్రూతలూగిస్తున్నాయి. శుక్రవారం ఈ సినిమాలోని మరో పాటను రిలీజ్ చేసింది చిత్రబృందం.
'డోన్ట్ స్టాప్ డ్యాన్సింగ్.. పూనకాలు లోడింగ్' అంటూ సాగే మరో సాంగ్ అదిరిపోయింది. మాస్ మ్యూజిక్ ఉన్న ఈ పాట ఫ్యాన్స్ ఉర్రూతలూగిస్తోంది. అనురాగ్ రామ్ మిరియాల, రోల్ రిడా కలిసి అద్భుతంగా పాడారు. ఇందులో డోన్ట్ స్టాప్ డ్యాన్సింగ్.. పూనకాలు లోడింగ్ అంటూ మెగాస్టార్ గొంతు అందించారు. చిరుతో పాటు రవితేజ కూడా గొంతు కలిపారు.
- " class="align-text-top noRightClick twitterSection" data="">
ఇక, ఈ చిత్రంలో చిరంజీవి తమ్ముడి పాత్రలో మాస్ మహారాజా రవితేజ నటిస్తున్నారు. శ్రుతి హాసన్ హీరోయిన్. వైజాగ్ బ్యాక్ డ్రాప్‌తో తెరకెక్కుతున్న ఈ చిత్రాన్ని మైత్రీ మూవీ మేక‌ర్స్ బ్యాన‌ర్ నిర్మిస్తోంది. మెగా ఫ్యాన్స్‌తో పాటు సినీ ప్రేక్షకులు మెచ్చేలా దర్శకుడు బాబీ సినిమాను రూపొందిస్తున్నారు. సంక్రాంతి సందర్భంగా 2023 జనవరి 13న 'వాల్తేరు వీరయ్య' రిలీజ్ కానుంది
