Mahesh Babu Sarkaru vaaripata movie: ఫ్యాన్స్కు మరో సర్ప్రైజ్ ఇచ్చే పనిలో బిజీ అయ్యారు 'సర్కారు వారి పాట' మేకర్స్. ఇందుకోసం మహేశ్ బాబు, కీర్తి సురేశ్పై ఓ మాస్ సాంగ్ను శరవేగంగా చిత్రీకరిస్తున్నారు. శేఖర్ మాస్టర్ కొరియోగ్రఫీ చేస్తున్నారు. దీనికి సంబంధించిన ఫొటోలను సోషల్మీడియాలో ట్వీట్ చేశారు. ఈ సాంగ్ షూటింగ్ పూర్తయితే గుమ్మడికాయ కొడతారని తెలిసింది. కాగా, ఈ సినిమాను దర్శకుడు పరశురామ్ తెరకెక్కిస్తుండగా.. తమన్ సంగీతమందిస్తున్నారు. మైత్రీ మూవీ మేకర్స్ నిర్మిస్తున్న ఈ మూవీ.. మే 12న థియేటర్లలోకి రానుంది.
Pawankalyan Harihara veeramallu movie: పవర్స్టార్ పవన్కల్యాణ్, క్రిష్ కాంబినేషన్లో తెరకెక్కుతున్న భారీ పీరియాడిక్ సినిమా 'హరిహర వీరమల్లు'. ప్రస్తుతం షూటింగ్ జరుపుకుంటున్న ఈ చిత్రం.. కొత్త షెడ్యూల్ను ప్రారంభించుకోనుందట! ఇందులో పవన్ పాత్రను ఎలివేట్ చేస్తూ ఓ సోలో సాంగ్ను కూడా చిత్రీకరించనున్నారు. ఈ పాట కోసం భారీ సెట్ను నిర్మించారు. ఇక ఈ షెడ్యూల్లో హీరోయిన్ నిధి అగర్వాల్పైనా సీన్స్ను చిత్రీకరించనున్నారు.
కాగా, పవన్ నుంచి వస్తున్న తొలి పాన్‌ ఇండియా సినిమా ఇది. ఈ చిత్రానికి క్రిష్ జాగర్లమూడి దర్శకుడు. ఎ.దయాకర్‌రావు, ఎ.ఎమ్‌.రత్నం నిర్మాతలు. బాలీవుడ్‌ తారలు అర్జున్‌ రాంపాల్‌, నర్గీస్‌ ఫక్రీ కూడా ఇందులో నటిస్తున్నారు. కీరవాణి సంగీతం అందిస్తుండగా.. బుర్రా సాయిమాధవ్‌ సంభాషణలు అందిస్తున్నారు. 17వ శతాబ్దం నాటి మొఘలాయిలు, కుతుబ్‌షాహీల శకం నేపథ్యంలో సాగే ఆసక్తికర కథాంశంతో రూపొందుతోంది. అప్పటి వాతావరణం ప్రతిబింబించేలా పలు చారిత్రక కట్టడాల్ని సెట్స్‌గా తీర్చిదిద్దుతూ చిత్రీకరణ చేస్తున్నారు.
ఇదీ చూడండి: ఈ వారం థియేటర్/ఓటీటీలో రిలీజ్ అయ్యే చిత్రాలివే!
